PM:01:27:05/08/2025
148 جار خوێندراوەتەوە
+
-
ئەنچیلۆتی دەیەوێت نەیمار بانگێشتی هەڵبژاردەی بەڕازیل
بکاتەوە و یاریزانەکەش رایگەیاند هێشتا توانای ماوە کاری گەورە بۆ وڵاتەکەی ئەنجام
بدات.
پاش ئەوەی کارلۆ ئەنچیلۆتی بووە راهێنەری هەڵبژاردەی
بەڕازیل هیواکان لەسەر دووبارە گەرانەوەی سێلیساو بۆ سەر سەکۆی نازناوەکان
زیاتربووە.
فابریزیۆ رۆمانۆ ئاماژەی بەوەکردووە کە ئەنچیلۆتی
بیرۆکەی گەرانەوەی نەیمار دال سێلڤا بەباش دەزانێت و دەیەوێت بۆ یارییەکانی
داهاتووی بەڕازیل کەوا بڕیارە لە پاڵاوتنەکانی جامی جیهانی ئەنجام بدرێت ئەو
هێرشبەرە بانگێشت بکاتەوە.
لەلایەکیترەوە نەیمار لە لێدوانێکیدا ئەوەی ئاشکراکرد کە
توانای جەستەیی بەرێژەیەکی باش پاراستووە و ئامادەیە بۆ یارییکردن.
یاریزانەکە وتیشی دڵنیام لەوەی دەتوانم کاری گەورە بۆ
نیشتیمانەکەم ئەنجام بدەم، بەڵام بانگێشتکردنەوەم بۆریزی هەڵبژاردەی بەڕازیل
لەدەستی تیمی راهێنەراندایە.
هەڵبژاردەی
بەرازیل لە مانگی ئەیلولی داهاتوو لە پاڵاوتنەکانی مۆندیالی 2026 ڕووبەڕووی چیلی و
بۆلیڤیا دەبێتەوە و ئەگەر زۆرە بینینەوەی نەیمار دال سێلڤا بەدرێسی سێلیساو
لەوکاتەدا بێت.