AM:10:31:28/07/2025
540 جار خوێندراوەتەوە
+
-
پێرێز دەیەوێت بە گواستنەوەی هالاند
خەونەکەی بەدیبهێنێت لە ئەگەری رۆیشتنی ڤینیسیۆس.
راپۆرتە رۆژنامەنوسیەکان
بڵاویانکردووەتەوە، فلۆرینتینۆ پێرێزی سەرۆکی یانەی ریاڵ مەدرید دەیەوێت خەونی
چەندین ساڵەی بەدیبهێنێت و پلانێکی ئاگرینی ئامادەکردووە.
رادیۆی کادینا سێر ئاشكرایکردووە، پێرێز
پلانی ئەوەی داناوە کە گرێبەست لەگەڵ ئێرلینگ هالاندی نەرویجی و هێرشبەری یانەی
مانچستەر سیتی ئیمزابکات لە ئەگەری فرۆشتنی ڤینیسیۆس جۆنیۆر.
دوپاتیشیکردووەتەوە کە ئامانجی پێرێز لەو
کارەی ئەوەیە کە خەونەکەی بەدیبهێنێت ئەویش ئەوەیە کە هالاند و کیلیان مباپێ لە
هێڵی هێرشبردنی یانەکەیدا بن تا هێڵێکی مەترسیدار دروستبکەن.
رونیشیکردووەتەوە، ئەگەر ڤینیسیۆس سووربێت
لەسەر مەرجە قورسەکانی ئەوا پیرێز بڕیاری فرۆشتنی دەدات و گوێ لە ئۆفەرە
سعودییەکان دەگرێت، دواتریش دەستبەجێ ئێرلینگ هالاند دەگوازێتەوە.
ئاماژەی بەوەشداوە، هالاند گرێبەستەکەی
لەگەڵ مانچستەر سیتی لە هاوینی 2034 کۆتاییدێت و ئەو یانەیەش بڕی 200 ملیۆن یۆرۆی
داناوە لەسەر نرخی ئەو یاریزانە بۆ هەر یانەیەکی دەرەوەی پریمەر لیگ کە بیەوێت
بیگوازێتەوە.
خ . ک