PM:10:30:21/12/2024
220 جار خوێندراوەتەوە
+
-
لە خولی ئینگلتەرا
یانەی ئارسناڵ گۆڵبارانی کریستاڵ پاڵاسی کرد و بە پێنج گۆڵ بەرامبەر بە گۆڵێک لێی
بردەوە.
لە یارییەکانی هەفتەی
17ـی خولی ئینگلتەرا یانەی ئارسناڵ و کریستاڵ پاڵاس رووبەڕووی یەکتر بوونەوە.
تایمی یەکەم، دوای
تێپەڕینی 11 خولەک دوو گۆڵ تۆمارکرا، بە شێوەیەک گابرێل خیسۆس گۆڵی یەکەمی گەنەرزی
هێنایە بەرهەم بەڵام ئیسماعیل سار ئەنجامەکەی یەکسانکردەوە.
دواتریش لە
خولەکەکانی 15 و 38 ئارسناڵ دوو گۆڵی دیکەی لە رێگەی خیسۆس و هاڤێرتز نوسییەوە و
بەو ئەنجامە کۆتایی بە نیوەی یەکەم هێنا.
لە تایمی
دووەمدا، ئاستە بەرزەکەی تۆپ هاوێژەکان
درێژەی کێشا و لە خولەکەکانی 60 و 84 مارتینێلی و دیکلان رایس واژۆیان لەسەر گۆڵی
چوارەم و پێنجەمیش کرد.
سەرەنجام گەنەرز
یارییەکەی بە پێنج گۆڵ بەرامبەر بە گۆڵێک بردەوە، بەو ئەنجامە ئارسناڵ کۆی
خاڵەکانی بۆ 33 خاڵ بەرزکردەوە و لە پلەی سێیەم مایەوە.
لە دوو یاری دیکەی
هەمان هەفتەش، نۆتینگهام فۆرێست و نیوکاسڵ یونایتد شکستیان بە برێنتفۆرد و ئیپسویچ
هێنا.
بیلال کاکە