AM:09:42:30/08/2022
520 جار خوێندراوەتەوە
+
-
لە بالەی جیهان هۆڵەندا بە زەحمەت بردنەوەی بەسەر ئەرجەنتین بەدەستهێنا و
ئیتاڵیا لە تورکیای بردەوە.
لە یارییەکانی قۆناغی کۆمەڵەکانی جامی جیهانی بالە، لە کۆمەڵەی شەشەمدا
هەردوو هەڵبژاردەی ئەرجەنتین و هۆڵەندا رووبەڕووی یەکبونەوە.
لە دوو گێمی یەکەمدا ئەرجەنتین ئاستێکی بەرزی پێشکەشکرد و بە ئەنجامەکانی
30 بە 28 و 25 بە 20 لە سوودی خۆی کۆتایی پێهێنا، بەڵام هۆڵەندیەکان ریمۆنتادایان
کرد و گێمەکانی سێیەم و چوارەم و پێنجەمیان لە سوودی خۆیان کۆتایی پێهێنا و
سەرەنجام یاریەکەیان بە سێ گێم بەرامبەر دوو گێم بردەوە.
لە هەمان کۆمەڵە و لە یاریەکی تردا، هەڵبژاردەی ئێران بەرامبەر میسر یاریکرد
و بە سێ گێم بەرامبەر گێمێک یاریەکەی لێبردەوە.
لە کۆمەڵەی پینجەمیشدا، هەڵبژاردەی ئیتاڵیا رووبەڕووی هەڵبژاردەی تورکیا
بوەوە و بە ئاسانی و بە سێ گێمی بێبەرامبەر یاریەکەی لێبردەوە، کەنەدا لە چینی
بردەوە.
خ . ک