نەوەی نوێ، تاکە بەدیلی یەکێتی و پارتی

1756 جار خوێندراوەتەوە

بیستی دە، هەلێکی گەورە و گرنگە بۆ کۆتایهێنان بە دوخی خراپ و زۆر نالەباری هەرێمی کوردستان و بوژانەوەی ئابوری و گیرفانی تاکی کوردی، هەلێکی گەورەیە بۆ کوتای هێنان بە حوکمی سەقەت و نالەباری یەکێتی و پارتی و سزادانیان لەپای هەموو ئەو نەهامەتیانەی لە ٣٣ ساڵی رابردوودا بەسەر میللەتی کوردیان هێناوە، ئاخر هیچ ئەقڵ تێیناچێت هەڕێمێکی بچوکی پڕ لە سامان و داهات، ئەمە دوخی حوکمرانی و ئابوری بێت، کەبێگوومان بەرپرساری یەکەم لەم دۆخە یەکێتی و پارتین.

هەموو پێدراو پێشهاتەکەن پێمان دەڵێن هەڵبژاردنی بیستی دە، هەڵبژاردنی چاکسازییە بەسەر گەندەڵی و حوکمی نارێک و فەسادی یەکێتی و پارتی.

نەوەی نوێ تاکە بژاردە و گەورەترین هەلی بەدەم دەنگدەری کوردە بۆ قوتاربوون لەم دۆخەی هەیەو چوونە ناو کەشی گەشەپێدان و بووژاندنەوەی هەرێمی کوردستا لەهەموو روویەکەوە بەتایبەت دۆخی ئابووری و حوکمکردنێکی باش و شایستە بە هاوڵاتینی هەرێمی کوردستان.

ئەوەی چانسی نەوەی نوێ زیادکردووە و بەتاکە بژاردەی بەردەم هاوڵاتیانی داناوە، هەموو ئەو جوڵە و هەنگاوانەیە لەماوەی شەش ساڵی رابردوودا ئەم هێزە ئەنجامی داوە کەسەر جەمیان لە بەرژەوەنده هاوڵاتیان و دۆخی هەرێمە.

ئاخر نەوەی نوێ تاکە هێزە لە پرۆسەی سیاسی و کاری پەرلەمانتاری لە مێژووی سیاسی کوردی و پێنج خولی پەرلەمانیدا پەرلەمانتارەکانی خانەنشینی رەتبکەنەوە.

نەوەی نوێ تاکە هێزی کوردییە بە نۆ پەرلەمانتاری پەرلەمانی عێراقەوە هەموو ئیمتیازاتێک رەتبکاتەوە و بڵێ من لەپەرلەمانم لەپێناو خەڵک و دەستکەوتی حزبی و شەخسی رەت دەکەینەوە.

لەمێژووی سیاسی و حوکمرانی کوردیدا ئەوە نەوەی نوێ بوو کۆتای بەنەریتی درێژکردنەوەی تەمەنی پەرلەمان و حکومەت هێناو و پەرلەمانی هەڵوەشاندەوە و حکومەتی کرد بە ماوە بەسەرچوو.

لەهەموو ئەمانە گرنگتر، نەوەی نوێ تاکە هێزە بەڕوونی و راشکاوانە بڵێت، یەکێتی و پارتی قابیلی حومکرانی هەرێمی کوردستانیان نییەو من بەدیلی ئەوانم، بۆیە هەموو ئەمانە ئێستا بوونەتە هیوا بۆ هاوڵاتیان و دەنگ دەران و نەوەی نوێ بە تاکە بژاردە و بەدیلی دوو حزی دەسەلاتی کوردستان دەزانن.

ئەوەی گرنگ و روونە لەم هەڵبژاردەن دەبێت بێ دوودڵی هێزی چاکەخوازی نەوەی نوێ بکرێتە هێزی یەکەم و زۆرینەی خولی داهاتووی پەرلەمانی کوردستان و بەرپرسیارێتی راستکردنەوەی ئەم دۆخە نالەبارەی بخرێتە ئەستوو و حوکمی رەشیدی نەوەی نوێ بۆ چوارساڵی داهاتوو تاقی بکەینەوە.

دەبێت بێ دوودڵی ناڕەزایەتی چەندساڵی بەردەوامی شەقام بەدەست هەموو ئەم نادادی و گەندەڵیانەی هەیە بگوازرێتەوە بۆسەر سندوقەكانی دەنگ دان كۆتایی بەدەسەڵاتی ٣٣ ساڵەی جوت حیزبی گەندەڵ و بێ وێنە لەگەندەڵی (یەکێتی و پارتی) بهێنرێت، کەهەموو پێدراوەکانیش بەو ئاراستەیەدا دەمانبەن ئەم هەڵبژرادنە هەڵبژاردنی هاوڵاتیان و نەوەی نوێ دەبێت.