AM:09:54:15/09/2026
2792 جار خوێندراوەتەوە
+
-
لە بالەی ئەوروپا سڕبیا بە زەحمەت لە
هۆڵەندای بردەوە و پۆرتوگال و سویسرا دۆڕان.
لە درێژەی یارییەکانی پاڵەوانێتی بالەی
ئەوروپا، هەڵبژاردەی هۆڵەندا بەرامبەر سربیا یارییکرد.
یارییەکە کێبڕکێیەکی بەهێزی بەخۆوە بینی و
هۆڵەندا تایمەکانی یەکەم و دووەمی بە ئەنجامەکانی 25 بە 20 خاڵ و 25 بە 23 خاڵ لە
سوودی خۆی کۆتایی پێهێنا.
دواتر یاریزانانی سڕبیا بە بردنەوەی تایمەکانی
سێیەم و چوارەم بە ئەنجامەکانی 30 بە 28 خاڵ و 25 بە 15 خاڵ یارییەکەی
یەکسانکردەوە.
لە تایمی پێنجەم و یەکلاکەرەوەدا، کێبڕکێی
نێوان هەردوو هەڵبژاردەکە بەردەوامی هەبوو تا بە ئەنجامی 17 بە 15 خاڵ لە سوودی
سڕبیا کۆتاییهات و یارییەکەی بە سێ تایم بەرامبەر دوو تایم بردەوە.
لە یارییەکانی تریشدا، هەڵبژاردەی
پۆرتوگال رووبەڕووی ئۆکرانیا بووەوە و بە ئەنجامی سێ تایمی بێبەرامبەر یارییەکەی
پێدۆڕاند، ئەڵمانیا و رۆمانیا بردنەوەیان بەسەر سویسرا و تورکیا بەدەستهێنا.
دوای ئەو ئەنجامانە، هەڵبژاردەکانی
ئۆکرانیا و ئەڵمانیا لە پێشەنگی کۆمەڵەکانی دووەم و چوارەمدا دەبینرێن، پۆرتوگال
لە پلەی پێنجەمی کۆمەڵەی دووەمدایە.
خ . ک