PM:12:50:14/08/2026
404 جار خوێندراوەتەوە
+
-
ئەمشەو یاریگای نەورۆز دەبێتە شانۆی
ئاهەنگی دەستپێکی خولی عێراق و یانەکەش رووبەڕووی قوەجەویە دەبێتەوە.
ئەمشەو وەرزێکی نوێی خولی ئەستێرەکانی
عێراق دەستپێدەکات و بۆ یەکەمجاریش ئاهەنگی دەستپێکی خولەکە لە شاری سلێمانی
بەڕێوەدەجێت لە یاریگای نەورۆز.
لە ئاهەنگەکەدا چەندین کەسایەتی بەشدار
دەبن بەتایبەت یونس مەحمودی سەرۆکی یەکێتی تۆپی پێی عێراق لەگەڵ چەندین کەسایەتی
کورد و یاریزانانی پێشووی هەڵبژاردەی عێراق.
دواتریش لە کاتژمێر نۆ و 30 خولەک یانەی
نەورۆز کە خاوەن یاریگایە لە یارییەکی بەهێزدا رووبەڕووی یانەی قوەجەویەی پاڵەوانی
وەرزی رابردووی خولەکە دەبێتەوە.
بۆ ئەم یارییە سەرجەم بلیتەکان فرۆشراون و
ژمارەیەکی زۆر هاندەر لە یاریگادا ئامادەییان دەبێت بۆ بەشداریکردن لە ئاهەنگی
خولەکە و دواتریش بۆ بینینی یارییەکە لە یاریگادا.
خ . ک