PM:07:57:21/06/2026
684 جار خوێندراوەتەوە
+
-
توێژینەوەیەکی زانستی پەیوەندی نێوان رکابەری مێسی
و رۆناڵدۆ و ڕەوتی سیاسی ئاشکرا دەکات.
ڕکابەری مێژوویی نێوان لیۆنێل مێسی، ئەستێرەی
پێشووی بەرشەلۆنە و کریستیانو ڕۆناڵدۆ، سنووری وەرزشی بەزاند و پێناسی زانستی
وەرگرت.
بەپێی
توێژینەوەیەکی بەرفراوان کە لە پێگەی تۆڕی توێژینەوەی زانستە کۆمەڵایەتییەکان بڵاوکراوەتەوە
و زیاتر لە 10هەزار کەس لە 26 وڵاتی جیاوازەوە تێیدا بەشداربوون، دەرکەوتووە کە
جۆری هاندەریی بۆ ئەم دوو ئەفسانەیە پەیوەندی بە بیروباوەڕی سیاسی و کەسایەتی
مرۆڤەکانەوە هەیە.
ئەنجامەکان دەری دەخەن ئەو کەسانەی هاندەری
مێسین، زیاتر مەیلیان بەرەو بیروباوەڕی پێشکەوتنخوازی هەیە و خاوەن ئەقڵییەتێکی
شیکەرەوە و کراوەن؛ لە بەرامبەردا، هاندەرانی ڕۆناڵدۆ زیاتر مەیلیان بەرەو ڕەوتی
پارێزگاریخوازی هەیە و بە متمانەبەخۆبوونی بەرز و ڕێزگرتن لە دەسەڵات دەناسرێنەوە.
هەرچەندە توێژەران دەڵێن نابێت ئەم ئەنجامانە وەک
یاسایەکی ڕەها وەربگیرێن، بەڵام دەرگای گفتوگۆیەکی نوێی لە تۆڕە کۆمەڵایەتییەکاندا
کردووەتەوە و باسێکی جیاواز بۆ هاندەرانی هەردوو ئەفسانەکە هاتووەتەوە پێشەوە بۆ
گفتوگۆکردن و رکابەریکردن.