PM:06:13:14/11/2021
2668 جار خوێندراوەتەوە
+
-
مباپێ داهاتووی خۆی یەکلا نەکردوەتەوە و تا ئێستاش دوپاتیکردوەتەوە هەموو
کاتێکی لە پاریس دڵخۆشیە بۆی.
کیلیان مباپێی یاریزانی یانەی پاریس سان جێرمانی تا ئێستاش داهاتووی خۆی
لەگەڵ یانەکەیدا یەکلانەکردوەتەوە و گومانی درووستکردوە کە وێستگەی داهاتووی کام
یانە دەبێت.
مباپێ لە لێدوانێکیدا بۆ ڕۆژنامەی ئاسی ئیسپانی ڕایگەیاند، تا ئێستا نازانێت
داهاتووی چۆن دەبێت و پێنج ساڵی زۆر تایبەتی لەگەڵ پاریس بەڕێکردووە.
مباپێ وتی: بە دڵنیاییەوە هەموو کاتێکم لەگەڵ یانەی پاریس سان جێرمان چێژ
لێبینیوە و لە ئێستاشدا دڵخۆشم و هەموو هەوڵێک دەدەم لە پێناو بەدەستهێنانی نازناو
لەم وەرزەدا.
وتیشی: کاتێک پەیوەندیم بە پاریسەوە کرد ئامانجم ئەوەبوو زۆرترین ئامانج
لەگەڵ یانەکەمدا بەدەستبهێنم و تا رادەیەکی زۆریش ئەو ئامانجەم پێکاوە و هەلی
بەدەستهێنانی نازناوی گەورەتریشمان لەبەردەمدا بووە.
لەلایەکی ترەوە ڕۆژنامەی لیکیپی فەرەنسی ئاشكرایکرد، خێزانی مباپێ پەستانی
بەردەوام لە یاریزانەکە دەکەن کە لانی کەم ساڵێک و یان دوو ساڵیتر لەگەڵ یانەکەی
ئێستای بەردەوام بێت و گرێبەستەکەی لەگەڵدا نوێبکاتەوە.
خ . ک