PM:10:00:28/08/2025
268 جار خوێندراوەتەوە
+
-
بە فەرمی رۆمیۆ و بەرشەلۆنە لەسەر هەڵوەشاندنەوەی
گرێبەستەکەی یاریزانەکە رێککەوتن.
ئۆریۆل رۆمیۆ کۆتایی بە دووەم وەرزی خۆی هێنا وەک
یاریزانییانەی بەرشەلۆنە، یاریزانە کەتەلۆنییەکە هێشتا ساڵێک لە گرێبەستەکەی
مابوو، بەڵام لەگەڵ بەرشەلۆنە گەیشتە رێککەوتن بۆ ئەوەی گرێبەستەکەی
هەڵبوەشێنێتەوە و وەک یاریزانێکی ئازاد پەیوەندی بە تیپێکی دیکەوە بکات.
ناوەڕاستکارە تەمەن 33 ساڵانەکە، بەشێک نەبوو لە
پلانەکانی هانسی فلیک و تاکە یاریزان بوو کە لە هاویندا گەشتی بۆ ئاسیا نەکرد،
بەتەنها لە ناوەندی مەشقەکانی بەرشەلۆنە مەشق و راهێنانی دەکرد، لە ئێستاشدا
گرێبەستەکەی هەڵوەشاندووەتەوە و ئازادە رێککەوتن لەگەڵ چی یانەیەک دەکات.
رۆیشتنی رۆمیۆ رێگە بە یانە کەتەلۆنییەکە دەدات ناوی
ئەو یاریزانانە تۆماربکەن کە هێشتا لە لالیگادا ناویان تۆمار نەکراوە، ئەوانیش چێزنی
و جیرارد مارتن و رۆنی بارگین.
پاش رۆمیۆ، یەکێکی دیکە لەو یاریزانانەی کە تا
ئێستا دۆخی لەگەڵ بەرشەلۆنە لە بازاڕی گواستنەوەی هاوینەدا ڕوون نییە، هیکتۆر فۆرتی
یاریزانی لاوی یانەکەیە.