PM:07:01:28/08/2025
268 جار خوێندراوەتەوە
+
-
ئارنۆڵد لە ریاڵ مەدرید دەمێنێتەوە و بە هیچ
جۆرێک بیری لە جێهێێشتنی یانەکەی نەکردووەتەوە.
ئەلێکساندەر ئارنۆڵد لە مانگی حوزەیران گەیشتە
سانتیاگۆ بێرنابیۆ، پێش ئەوەی گرێبەستەکەی لەگەڵ یانەی لیڤەرپول تەواو بێت و ببێتە
یاریزانی ئازاد، بە پارەیەکی کەم ریاڵ مەدرید گرێبەستی لەگەڵدا کرد.
یاریزانە تەمەن 26 ساڵانەکە بە یەکێک لە باشترین
یاریزانەکانی پێگەکەی خۆی دادەنرێت لە تەواوی جیهاندا بەڵام لەگەڵ ئەوەشدا، ڕووبەڕووی
رکابەرییەکی توند دەبێتەوە بۆ بەدەستهێنانی پێگەی سەرەکی لە یانەی ریاڵ مەدرید،
بەو هۆیەی کە لە هەمان پێگەی دانی کارفاخاڵی ئەستێرەی مێرەنگی یاریدەکات.
لە ئێستادا چەند گومانێک مانەوەی ئارنۆڵد لە
مەدرید دروست بووە، تەنانەت قسە و باسیش لەسەر گەڕانەوەی خێرای بۆ پریمەرلیگ دەکرێت.
بەڵام
ڕۆژنامەی مارکا بڵاویکردووەتەوە، ئەم دەنگۆیانە بێ بنەمان و ئەلێکساندەر ئارنۆڵد
وردە وردە خۆی لەگەڵ کارەکانی رۆژانەی ڕیاڵ مەدرید دەگونجێنێت و دەیەوێت بگاتەوە
لوتکەی ئاستی، وە ریاڵ مەدریدیش هێشتا پێی وایە گرێبەستێکی مێژووییان ئەنجامداوە و
دڵنیان لە سەرکەوتنی ئەستێرەکە لە تیپەکەیان.