PM:04:28:28/08/2025
172 جار خوێندراوەتەوە
+
-
چێڵسی ئۆفەری فەرمی بۆ گواستنەوەی فێرمین لۆپێز
پێشکەشی بەرشەلۆنە کردووە.
رۆژنامەی سپۆرتیکەتەلۆنی ئاشکرایکردووە، یانەی چێڵسی ئینگلیزی
ئۆفەری سەرەتایی بۆ گواستنەوەی فێرمین لۆپێزی ئیسپانی یاریزانی بەرشەلۆنە
پێشکەشکردووە.
ئۆفەرەکەی چێڵسی بڕی 58 بۆ 65 ملیۆن یۆرۆیە، بلوز ئەم بڕە پارەیە
بە یەکجار دەداتە بەرشەلۆنە، بەڵام هیچ گۆراوێک لەخۆناگرێت، ئەمەش دەتوانێت دارایی
بلاوگرانا بەرزبکاتەوە.
سپۆرت ئاماژەی بەوەشکردووە، بەرپرسانی یانە ئینگلیزیەکە فێرمین بە
توخمێکی ستراتیژی دەزانن لە پرۆژەی ئینزۆ مارێسکای ڕاهێنەری تیپەکە، هەروەها
دڵنیایی دراوەتە فێرمین لە پێکهاتەی سەرەکی دەبێت.
دوپاتیشیکردووەتەوە، هەڵوێستی بەرشەلۆنە تا ئێستا ناڕوونە،
لەکاتێکدا دیکۆی بەڕێوبەری وەرزشی یانەکە ڕایانگەیاندووە کە، دەستبەرداری ئەو
یاریزانە تەمەن 22 ساڵە نابن، بە لەبەرچاوگرتنی گرنگییەکەی بۆ هانسی فلێکی ڕاهێنەر،
بەڵام رەنگە ئەو ئۆفەرە بیروبۆچوونی کارگێری بەرشەلۆنە بگۆڕێت.