PM:07:32:27/08/2025
140 جار خوێندراوەتەوە
+
-
بەرشەلۆنە گرێبەستی پێنای
نوێکردەوە بەڵام گۆڵپارێزەکە بە خواستن رووی لە یانەی ئێلچێ کرد.
یانەی بەرشەلۆنەی
ئیسپانی لە پێگەی فەرمی خۆیدا رایگەیاند، لەگەڵ ئیناکی پێنای ئیسپانی، گۆڵپارێزی
یانەکەیان گەیشتوونەتە رێککەوتن بۆ نوێکردنەوەی گرێبەستەکەیان تا هاوینی 2029.
بەرشەلۆنە ناوی پێنای بە
گۆڵپارێزێکی لێهاتووە بردووە و دوپاتیشیکردووەتەوە، بەردەوام دەبێت لە وەرگرتنی
ئەزموون و سەرگەرمییەکی دیکە لە یانەیەکی نزیک لە خۆیان.
بەرشەلۆنە ئەوەشی
راگەیاندووە، گۆڵپارێزە تەمەن 26 ساڵەکە، بە گرێبەستێکی
خواستن تا هاوینی 2026 روو لە یانەی ئێلچێ دەکات، بەو پێیەی لەگەڵ ئەو یانە ئیسپانییە
گەیشتوونەتە رێککەوتن، کە لە لالیگا یاریی دەکات.
پێنا ماوەی سێ وەرز
لەگەڵ تیپی یەکەمی بەرشەلۆنە یاریی کردووە، لەو ماوەیە بەشداری لە 45 یارییدا کردووە
و حەوت نازناوی بەدەستهێناوە، هەروەها 64 گۆڵی لێکراوە و لە 11 یارییدا کلین شیتی
کردووە.