PM:04:59:15/08/2025
2844 جار خوێندراوەتەوە
+
-
مباپێ بەڵێنی بە پێرێز داوە لە وەرزی
نوێدا زیاتر لە 50 گۆڵ تۆمار بکات و نازناوی چامپیۆنز لیگ بەدەستبهێنن.
کیلیان مباپێ لە هاوینی 2024 پەیوەندی بە
یانەی ریاڵ مەدریدەوە کرد و لە وەرزی رابردوودا نەیتوانی لەگەڵ یانەکەی هیچ
نازناوێک بەدەستبهێنێت جگە لە نازناوی جامی سوپەری ئەوروپا کە ئەوەش پێش
دەستپێکردنی وەرزەکە بووە.
رۆژنامەی دیڤینسا سێنتراڵ
بڵاویکردووەتەوە، کیلیان مباپێ لە هەفتەی رابردوودا کۆبونەوەی لەگەڵ فلۆرینتینۆ
پێرێزی سەرۆکی یانەی ریاڵ مەدرید کردووە و دوو بەڵێنی پێداوە.
ئەو رۆژنامەیە ئاشكرایکردووە، مباپێ بەڵێنی بە پێرێز داوە لە وەرزی نوێدا باشترین ئاست پێشکەش بکات و دڵنیاییداوە
لەوەی کە دەیەوێت زیاتر لە 50 گۆڵ تۆماربکات لە سەرجەم پاڵەوانێتییەکاندا.
دووەم بەڵێنی ئەستێرە فەرەنسییەکە کە بە
سەرۆکی یانەی شاهانەی داوە ئەوەیە سەرکردایەتی یانەی ریاڵ مەدرید دەکات بەمەبەستی
بەدەستهێنانی نازناوی چامپیۆنز لیگی ئەم وەرزە.
مباپی لە وەرزی رابردوودا بەشداری لە 59
یاریی ریاڵ مەدرید کرد لە سەرجەم پاڵەوانێتیەکاندا، 44 گۆڵی تۆمارکرد و پێنج
ئەسیستی هەبووە، خەڵاتی گۆڵکاری خولی ئیسپانیای پێبەخشرا.
خ . ک