AM:11:37:02/08/2025
264 جار خوێندراوەتەوە
+
-
داواکاری گشتی ئیسپانیا جارێکیتر داوای زیندانی
کردنی ئەسێنسیۆ دەکات بۆ ماوەی 30 مانگ.
لە ماوەی رابردوودا، رائول ئەسێنسیۆی بەرگریکاری
یانەی ریاڵ مەدرید چەندین جار لێکۆڵینەوەی لەگەڵدا کراوە و لە دادگا ئامادە بووە
بە تۆمەتی بڵاوکردنەوەی گرتەیەکی ڤیدیۆیی دەستدرێژی سێکسی چەند هاوڕێیەکی لەگەڵ
دوو کچدا.
تۆمەتەکە بە شێوەیەکە کە ئاسێنسیۆ بەهیچ
شێوەیەک بەشدار نەبوو لە دەستدرێژیەکەدا بەڵام داوای بینینی گرتە ڤیدیۆکەی کردووە
و دواتریش پیشانی هاوڕێیەکی تری داوە.
رادیۆی کادینا سێر ئاشكرایکردووە،
هەرچەندە لە رابردوودا هەوڵی ئەوە درا کە ئەو دۆسیەیە بە تەواوی دابخرێت بەڵام
داواکاری گشتی ئیسپانی بە فەرمی داوای ئەوەی کردووە کە رائول ئەسێنسیۆ بۆ ماوەی 30
مانگ زیندانی بکرێت.
ئەو داواکارە گشتیە دەڵێت، بەرگریکارەکەی
ریاڵ مەدرید بە بڵاوکردنەوەی ئەو گرتە ڤیدۆیە پێشێلی ماددەی 77ی لە یاسای تاوانکاری
کردووە و پێویستە بە خێرایی سزا بدرێت لە کاتێکدا ئەو کچانەی کە ڤیدۆکەیان
بڵاوبووەتەوە داوای بڕە پارەیەکی زۆریشیان لەو یاریزانە کردووە.
ئەسێنسیۆ لە ماوەی رابردوودا دوپاتیکردەوە
کە بە هیچ شێوەیەک بەشداری ئەو دەستدرێژیە و بڵاوکردنەوەی ڤیدۆکەشی نەکردووە،
ئامادەشە لەبەردەم دادگا بێتاوانی خۆی بسەلمێنێت.
خ . ک