AM:11:10:10/07/2025
392 جار خوێندراوەتەوە
+
-
ئەلۆنسۆ ئاماژەی بەوەکرد یارییەکی زۆر خراپییان
ئەنجامداوە و پێویستە هەڵەکان چارەسەر بکەن.
پاش شکستەکەیان بەرامبەر پاریس سان جێرمان چابی ئەلۆنسۆ
وتی بەگشتی ئاستی تیپەکەی خراپبووە و بەتەنها مباپێ و ڤینیسۆس بەرپرسیارنین لەم
شکستە.
وتیشی بەهۆی بڕیاری تەکتیکییوە یاریم بە رۆدریگۆ نەکرد و
یارییەکە وای دەخواست هەندێک گۆرانکاری بکەم بۆئەوەی ئەنجامەکە کەم بکەینەوە.
ئاماژەی بەوەکرد پاریس سان جێرمان پرۆژەیەکی ناوازەی
هەیە و خاوەنی راهێنەرێکی باشە بەراستی یارییەکی زۆرباش ئەنجام دەدەن.
راهێنەرە ئیسپانییەکە لەدرێژەی قسەکانیدا جەختی
لەوەکردەوە کە ئاستێکی خراپییان پێشکەشکردووە و پێویستە هەڵەکانیان چارەسەربکەن.
ئەلۆنسۆ ئەوەی ئاشکراکرد کەدەیەوێت تیپێک دروست بکات
هەموان پێکەوە کار بکەن لە یاریگادا و خاوەنی رۆحیەتێکی بەرزبن.
سەبارەت بە ئەنجامدانی گرێبەستی نوێ راهێنەرە
ئیسپانییەکە وتی بێگومان هەوڵی چارەسەرکردنی سەرجەم کێشەکان دەدەین و لەهەر
پێگەیەکی یاریگا یاریزانمان بوێت دەیگوازینەوە.