PM:02:47:22/06/2025
328 جار خوێندراوەتەوە
+
-
ریاڵ مەدرید ئامادەیە بە 40 ملیۆن یۆرۆ ئیڤان نیدیکیا لە
رۆما بگوازێتەوە ریزەکانی و پێگەی بەرگری بەهێنانی ئەو یاریزانە بەهێزتر بکات.
فلۆرێنتینۆ پێرێز نیگەرانە لە هێڵی بەرگری یانەکەی و
دەیەوێت وەرزی داهاتوو زۆرترین گۆرانکاری لەو پێگەیەدا ئەنجام بدات.
پاش گواستنەوەی هاوسن و ئارنۆڵد لە ئێستادا بەرپرسانی
یانەی شاهانە پلانیان داناوە بۆ کڕینی بەرگریکاری یانەی رۆما ئیڤان نیدیکیا.
پێگەی دیفینسا سێنتراڵی ئیسپانی بڵاویکردووەتەوە یانەی
شاهانە 40 ملیۆن یۆرۆی بۆ گواستنەوەی ئەو یاریزانە تەرخانکردووە و ئامادەیە لەم
هاوینەدا گرێبەستی فەرمی پێشکەشی یانە ئیتاڵییەکە بکەن ، بەمەبەستی دەستبەرداربوون
لەنیدیکیا.
گرێبەستی بەرگریکارە کۆتیڤوارییەکە لەگەڵ گورگەکانی رۆما
لە حوزەیرانی ساڵی 2028 کۆتایی پێدێت و بەبێ گەرانەوە بۆ یانەکەی ناتوانێت لەگەڵ
ریاڵ مەدرید یاخود هیچ یانەیەکیتر گفتوگۆ ئەنجام بدات.
ئیڤان نیدیکیا لەگەڵ یانە ئیتاڵییەکە بەشداری 85 یاری
کردووە و لەوماوەیەدا توانیوێتی یەک یەک گۆڵ و پێنج ئەسسیت تۆماربکات.