AM:09:28:15/06/2025
288 جار خوێندراوەتەوە
+
-
ماسکێرانۆ دوپاتیکردەوە میسی یاریزانێکی
سەرسوڕهێنەرە و دەیانتوانی بردنەوە بەدەستبهێنن.
خافێر ماسکێرانۆی راهێنەری یانەی ئینتەر
میامی لە دوای یەکسانبوونیان لەگەڵ ئەهلی میسڕی رایگەیاند، ئامانجیان بردنەوەی ئەو
یارییە بووە و لە تایمی دووەمدا شایستەی ئەوە بوون کە سێ خاڵەکە بەدەستبهێنن.
ماسکێرانۆ وتی: لە تایمی یەکەمدا کەمێک
فشارمان لەسەر بوو بەڵام یاریزانەکان خۆڕاگر بوون، توانیمان خۆمان لەو فشارە رزگار
بکەین و دواتر زۆر بە باشی گەڕاینەوە کەشی یارییەکە.
وتیشی، لیۆنێل میسی یاریزانێکی سەرسوڕهێنەرە
و سەرەڕای ماندوێتی و گەشتکردن ئاستێکی باوەڕپێنەکراوی پێشکەشکرد، ئارەزوویەکی
زۆری هەیە بۆ یارییکردن و خۆشەویستییەکەی بۆ یارییەکان جێگای ستایش کردنە.
دەشڵێت، ئەهلی یانەیەکی مێژوویی و بە
ئەزمونە و لە تایمی یەکەمدا دەیانتوانی گۆڵمان لێ تۆماربکەن، پێویستە لە
یارییەکانی داهاتوودا زیاتر پشت بە هێرشبردن ببەستین.
ئاماژەی بەوەشدا، شانازی بە
یاریزانەکانمەوە دەکەم و هیچ کێشەیەکیان نەبوو لە یاریگادا، ئەوەی لە
توانایاندابوو ئەنجامیاندا و هاندەرانیش بەردەوام پشتگیرییان دەکردن.
دوپاتیکردەوە کە لەم جۆرە
پاڵەوانێتییانەدا پێویستە لە یەکەم یارییدا بردنەوە بەدەستبهێنیت تا تووشی کێشە
نەبیت لە گەیشتن بە قۆناغی داهاتوو بەڵام سەرکەوتوو نەبوون لەو کارەدا و لە یاری
داهاتوودا ئەو هەوڵە دەدەن.
خ . ک