PM:04:26:26/04/2025
260 جار خوێندراوەتەوە
+
-
گواردیۆلا رایگەیاند بەدڵنیاییەوە دەتوانن بۆ وەرزی
داهاتوو بەباشی بگەڕێنەوە سەر رێچکەی بردنەوەی نازناوەکان.
پیپ گواردیۆلا پێش ڕووبەرووبونەوەی نۆتینگهام فۆرێست وتی
ئاستمان لەم وەرزەدا و ئەنجامە خراپەکانمان وانەیەکی گەورەی فێرکردم.
وتیشی دڵنیام وەرزی داهاتوو دەتوانین بگەڕێنەوە بۆسەر
رێچکەی بردنەوەی نازناوەکان و متمانەیەکی تەوام بە یانەکەم هەیە.
راهێنەرە ئیسپانییەکە سەبارەت بە ئاستی نۆتینگهام جەختی
لەوەکردەوە یانەیەکی باشن و پێویستە بە وریاییوە مامەڵەیان لەگەڵدا بکەین.
ئاماژەی بەوەشکرد بارودۆخی رۆدری زۆرباشە و لە قۆناغی
کۆتایی وەرگرتنی چارەسەرەکانیدایە و بەم نزیکانە دەگەڕێتەوە یاریگاکان.
پیپ گواردیۆلا ئەوەی ئاشکراکرد کە یاریزانەکانی هەوڵی
تەواوەتی دەدەن بۆئەوەی بتوانن لە خولی یانە پاڵەوانەکانی وەرزی داهاتوو بەشداری
بکەن و هەموومان تامەزرۆین بۆ بەدەست هێنانی ئەو ئامانجە.
لە کۆتاییدا گواردیۆلا جەختی لەوەکردەوە بۆ وەرزی
داهاتوو کارگێری یانەکەی گۆڕانکاری بەرچاو لەیانەکەدا ئەنجام دەدات کە بەدڵی
تەواوی هاندەران دەبێت.