PM:02:08:20/04/2025
232 جار خوێندراوەتەوە
+
-
نەسڕ 400 ملیۆن یۆرۆی ئامادەکردووە بۆئەوەی لە هاوینی
داهاتوودا هەریەکە لە ڤینیسۆس و کایسیدۆ و گابرێل بگوازێتەوە ریزەکانیان.
بەرپرسانی یانەی نەسڕ ئامادەکاری دەکەن بۆ ئەوەی لە
هاوینی داهاتوودا یانەیەکی باش دروست بکەن و بتوانن ڕکابەری بردنەوەی سەرجەم نازناوەکان
بکەن.
تۆڕی فیچاجێس بڵاویکردووەتەوە یانە سعودییەکە 400 ملیۆن
یۆرۆی ئامادەکردووە بۆ ئەوەی لە مێرکاتۆی داهاتوودا خەرجی بکات.
سەرچاوەکە بڵاویکردووەتەوە نەسڕ ئامادەیە هەریەکە لە
ڤینیسۆس جۆنیۆر لە ریاڵ مەدرید و مۆیسیس کایسیدۆ لە چێڵسی و گابرێل ماگالاش لە
ئارسناڵ بگوازنەوە ریزەکانیان.
ڤینیسۆس دەمێکە لە پلانی یانە سعودییەکە دایە و
دەیانەوێت سوود لە ناکۆکی یاریزانەکە وەربگرن لەگەڵ ریاڵ مەدرید و بە نرخێکی باش
بیگوازنەوە ریزەکانیان.
لەهەمان کاتدا کڕینی کایسیدۆ بۆ بەهێزکردنی هێڵی ناوەراستە
و گابرێلیش بۆ بەهێزکردنی پێگەی بەرگرییە، چونکە نەسڕ دەیەوێت لەسەرجەم پێگەکانی
یاریگا بەهێزبێت.
چۆمان سدیق