PM:08:22:06/11/2024
292 جار خوێندراوەتەوە
+
-
بەرپرسانی
بایرن میونشن بەدوای جێگرەوەی کەیندا دەگەڕێن و دەیانەوێت بۆماوەیەکی زۆر بتوانێت
لەیانەکەیاندا بمێنێتەوە.
ئەستێرەیەکی
دیاری تۆپی پێ، هاری کەین بە گرێبەستێکی 100 ملیۆن یۆرۆی تۆتنهامی بەجێهێشت و
پەیوەندی بە بایرن میونشنەوە کرد، هەروەها توانی چاوەڕوانییەکانی کە لێی هەبوو
بەدیبهێنێت و وەرزی رابردووش توانی ببێتە گۆڵکاری بوندسلیگا و لەسەر ئاستی ئەوروپاش
بە هاوبەشی لەگەڵ کیلیان مباپێ بووە گۆڵکار.
بەرپرسانی
یانە باڤارییەکە لەماوەی ساڵانی رابردوودا چەندین جار بە ئاشکرا رایانگەیاندووە کە
بە ئاستی ئەم یاریزانە تەمەن 30 ساڵە زۆر رازین و پێیان باشە بۆ ماوەیەکی زۆر لە
یانەکەیان بەردەوام بێت، بەڵام رۆژنامەی بیڵدی ئەڵمانی بڵاویکردووەتەوە ماکس
ئیبەرل، بەڕێوەبەری وەرزشی بایرن , بەدوای جێگرەوەیەکدا بۆ ئەم هێرشبەرە
ئینگلیزییەدا دەگەڕێت.
سەرچاوەکە
ئاشکرایکردووە بایرن هەوڵدەدات بژاردەیەکی باش و متمانەپێکراو وەک جێگرەوەیەکی
درێژخایەن بۆ ئەو یاریزانە بگوازێتەوە، چاوی لەو بژاردە جیاوازانەیە کە بۆیان
پێشنیار کراوە، ئەمەش بووەتە هۆی سەرسوڕمان و گومانی زۆر لەسەر پێگەی کەین لە تیپەکەدا
دروست ببێت.
بێڵد
ئەوەی راگەیاندووە یانەکە بە جۆرێک لە جۆرەکان بەدوای یاریزانێکدا دەگەڕێن کە
بتوانێت ببێتە جێگرەوەیەکی باش لەسەر کورسی یەدەگ بۆ کەین، بەڵام پێدەچێت
بەڕێوەبەرانی بایرن هەوڵدەن هێرشبەرێکی گەشاوە بگوازنەوە، بۆئەوەی هاری کەین زیاتر
هەوڵی تۆمارکردنی گۆڵ بدات بەهۆی هەبوونی ڕکابەرێکەوە.