PM:11:31:05/10/2021
1756 جار خوێندراوەتەوە
+
-
ئینریکى ڕووبەڕووبوونەوەى ئیتاڵیا بە قورس دەزانێت و لە بێبەختیشدا مۆراتا
و مۆرینۆ بەهۆى پێکانەوە دوورکەوتوونەتەوە.
لە کۆنفرانسێکى ڕۆژنامەنوسیدا پێش ڕووبەڕووبوونەوەى ئیتاڵیا لە قۆناغى پێش
کۆتایى خولى نەتەوەکانى ئەوروپاى ناسراو بە نەیشن لیگ، لویس ئینریکى ڕاهێنەرى ئیسپانیا
ئاماژەى بە بەهێزى و قورسى یارییەکە کرد.
ئینریکى پێیوایە ئیتاڵیا یەکێکە لە باشترین تیپەکانى جیهان و لەسەر ئاستى
ئەوروپاش بە باشترین هەڵبژاردەى کیشوەرەکەى دادەنێت.
ئینریکى باس لەوەشدەکات، هەڵبژاردەکەى هێرشبەرێکى تایبەتى نییە، هەر بۆیە
بێبەختن بە دوورکەوتنەوەى ئەلڤارۆ مۆراتا و جیرارد مۆرینۆ بەهۆى پێکانەوە.
پێشیوایە ڕۆبرتۆ مانچسنى ڕاهێنەرى ئیتاڵیا بەپێى پێویست توانیویەتى بە
شێوازى خۆى یارى بکات و نازناو بەدەستبهێنێت و ئاستێکى بەرز پێشکەش بکات، هەردەمیش
بەو شێوازە یاریکردنە هەلى سەرکەوتنى هەیە، هەر وەک گواردیۆلا لەگەڵ یانەکانى بەرشەلۆنە
و بایرن میونشن کردى.
گ . ف
