PM:06:31:30/08/2021
8128 جار خوێندراوەتەوە
+
-
ڕیاڵ مەدرید دواهەمین پێشنیاری پێشکەش بە پاریس دەکات و چاوەڕێی
وەڵامی کۆتایی دەکات.
یانەی ریال مەدرید دەستەوارەیەکی بە 170 ملیۆن یۆرۆ و 10
ملیۆن یۆرۆی پاداشت پێشکەشی یانەی پاریس سان جێرمان کردووە، میدیای ئیسپانیا دەڵێت
" ئەگەری هەیە ئەو دەستەوارەیە بۆ 180 یان 185 ملیۆن یۆرۆ بەرزبکرێتەوە لەگەڵ
10 بۆ 15 ملیۆن یۆرۆی پاداشت، بۆ ئەوەی یانە فەرەنسییەکە رازیبکات،".
سەرچاوەیەکی نزیک لە یانەی پاریس سان جێرمانی
فەڕەنسی رایگەیاند، لە ماوەی چەند کاتژمێری ڕابردوودا یانە فەڕەنسیەکە نامەیەکی بۆ
ڕیال مەدرید ناردووە کە مەرجی دەستبەرداربوون لە مباپێ، بەرزکردنەوەی پێشنیارەکەیە
بۆ سەرووی 180 ملیۆن یۆرۆ، یانیش 180 ملیۆن یۆرۆ و یاریزانێکی یانەی ریال مەدرید.
پاریس سانجێرمان لەسەر هەڵوێستی خۆی بەردەوامە و
نایەوێت بەهیچ شێوەیەک دەستبەرداری مباپێ ببێت، ریال مەدریدیش بەهەمان شێوە لەسەر
هەوڵەکانی، بۆیە 48 کاتژمێری دراماتیکی لە بازاڕی گواستنەوەدا چاوەڕێی هەردوو یانە
دەکەن بۆ یەکلاکردنەوەی چارەنووسی ئەو یاریزانە.