PM:03:41:30/08/2021
6824 جار خوێندراوەتەوە
+
-
مباپێ داوای لە بەرپرسانی یانەکەی کردوە تا دوبارە لەگەڵ
ڕیاڵ مەدرید دەست بە دانوستاندنەکان بکەنەوە.
کیلیان مباپێ، یاریزانی فەڕەنسی داواکارییەکی نوێی پێشکەش
بە بەرپرسانی پاریس سان جێرمان کرد سەبارەت بە داهاتووی پێش کۆتایی هاتنی ماوەی
گواستنەوەی هاوینەی ئێستا.
ڕیاڵ مەدرید بەم دواییانە پێشنیارێکی 180 ملیۆن یۆرۆی
کردووە (170 ملیۆن یۆرۆ + 10 ملیۆن یۆرۆ وەک زیادە) بۆ ئیمزاکردنی کیلیان مباپێ لە
وەرزی هاوینی ئەمساڵدا.
بە پێی ڕۆژنامەی ئاسی ئیسپانی، کیلیان مباپێ داوای لە بەرپرسانی
پاریس سان جێرمان کردووە بۆ ئەوەی چاو بە پێشنیاری ئەم دواییەی ڕیاڵ مەدریددا بخشێنرێتەوە.
مباپێ بە بەرپرسانی پاریس سان جێرمانی وتوە کە وەڵامی پێشنیارەکەی
ڕیاڵ مەدرید بدەنەوە و دانوستانەکان دووبارە بکەنەوە بۆ ئەوەی لە هاوینی ئەمساڵدا بچێتە
یانە ئیسپانیەکە.
مباپێ هەموو هەوڵەکانی پاریس سان جێرمانی بۆ نوێکردنەوەی
گرێبەستەکەی ڕەتکردۆتەوە، کە لە کۆتایی وەرزی ئێستادا بەسەردەچێت، ئەویش بەهۆی
خواستی ڕۆشتنی بۆ ڕیاڵ مەدرید.