وەزارەتا خواندنا بلند دبێژیت، دڤێ حەفتیێ دا زانکۆلاین بۆ دەرچوویێن ١٢ـێ ئامادەیی بۆ وەرگرتنا وان ل زانکۆ و پەیمانگەهان دێ جالاک بیت.

نووچەگەهانێ ئێن ئاڕ تی راگەهاند؛ ل بنارا چیایێ مەقلوب ل شێخان شەرە تەقە دناڤبەرا چەند کەسان دروست بوو و سێ کەس برینداربوون.

وەزارەتا ئەوقافا هەرێمێ بەرهەڤی یان بۆ حەجا داهاتی دکەت و بۆ وێ مەبەستێ سوبەهی تیمەک دێ چیتە سعودیا.

سەرۆکا فراکسیۆنا نەوەی نوێ ل پەرلەمانێ عێراقێ دبێژیت، دەربارەی پرسا پەتڕۆلێ دگەل سەرۆک وەزیرێن عێراقێ ئاخفتیمە و گوتە من چاڤەرێ هەرێمێ ینە دەست ب هنارتنا پەتڕۆلێ بکەت و ئەگەر هنارتنا پەتڕۆلێ دەستپێکرەڤە ئاریشەیا مووچەی دێ چارەسەربیت.

ژبەر سەقامگیربوونا رەوشا عێراقێ و دەڤەرێ و زێدەتر دۆلار ئێخستە بازاری، بهایێ دیناری نێزیکی هزار دیناران بلندبوو و ١٠٠ دۆلار هەمبەری ١٤١ هزار و ٤٥٠ دیناران بازاری پێڤە دهێتە کرن.

هاتن وچوویا هەرێمێ بۆ سالا نوی یا خاندنێ چەند داخازیێن نوی ئاراستەی شۆفێران کرن، رەچاڤکرنا لەزا شۆفێران داخازیا وان یا سەرەکی بوو.

ژێدرەکی ژ سامانێن سرۆشتی یا هەرێمێ بۆ ئێن ئاڕ تی راگەهاند، بەرهەڤیەن بۆ هنارتنا پەتڕۆلا هەرێمێ و د سێ رۆژێن بوری دا پشکەک ژ کۆگەهیێن پەتڕۆلێ هاتینە شۆیشتن و هاتینە بەرهەڤکرن.

ژێدەرەک ژ وەزارەتا پەتڕۆلا عێراقێ بۆ ئێن ئاڕ تی راگەهاند، بەرهەڤین بۆ دەسپێکرنا هنارتنا پەتڕۆلا هەرێمێ و چاڤەرێی هەرێمێ نە. ژیدەرەکێ ژی ژ حکومەتا عێراقێ گوت، ئەگەر جڤاتا وەزیران ئەنجامێن کۆمبوونا سێ قۆلی پەسەند بکەت پشتی ٢٤ دەمژمێران پەتڕۆل دێ هێتە هنارتن.

سەقاناسیا هەرێمێ، پلەیێن گەرمێ بەردەوامن د نزمبوونێ دا و گەرمترین دەڤەرا هەرێمێ گەهشتیە ٣٥ پلەیێن سیلیزی، کارتێکرنا توزبارینێ ژی دێ کێم بیت.

جێگرێ سەرۆکێ پەرلەمانێ عێراقێ بۆ ئێن ئاڕ تێ راگەهاند، هەرێم و بەغدا دەربارەی مووچەیێ مووچەخۆرێن هەرێمێ رێککەفتن کریە، ئەوا لسەر حکومەتا عێراقێ بجهبینیت.

دادگەها تێهەلچوونا سلێمانێی سزایێ سەر شاسوار عەبدولواحید پەسەندکر و کێم نەکر

ب پشکداربوونا زێدەتر ژ ١٣٩ هزار قوتابیێن نوی یێن پۆلا ئێکێ، ئەڤرۆ زەنگا سالا نوی یا خاندنێ یا ٢٠٢٥ - ٢٠٢٦ ل هەمی قوتابخانەیێن حکومیێن هەرێمێ و کەرکوکێ هاتە لێدان.

پشتی راگەهاندنا کێمکرنا رێژەیا مفایێ بەنکی ل ئەمریکا و داکەفتنا بهایێ وێ، ئەڤرۆ دووبارە بهایێ کانزایێ زەر بلندبوو و بهایێ ئێک مسقالا زێری عەیار ٢١ ژی ب ٧٤٣ هزار دینارانە.

ئەڤرۆ بهایێ بەرمیلەکا پەتڕۆلا خاڤا برێنت د بازارێن جیهانێ دا ب ٦٦ دۆلار ٦٨ سەنتان بازار پێ دهێتەکرن، بهایێ وێ هەڤبەر ب دوهی بنەجهە.

زێدەتری ٣٠ هزار گەشتیاران سەردانا ڤیستەڤالا بەرهەمێن خۆمالی ل ئاکرێ کر و ئەڤرۆ داوی رۆژا ڤیستەڤالێ بوو.

زارۆکەک ل گوندێ خەردس سەر ب ئاکرێ کەڤتە ژێر ترۆمبێلا جیرانێ خۆ و ژیانا خۆ ژ دەستدا

٢٢ـێ ئەیلوولێ، ئێکەم رۆژا پایزێ یە ل هەرێما کوردستانێ، شارەزایەکێ بوارێ سەقاناسیێ بۆ ئێن ئاڕ تی گوت، د وێ رۆژێ دا، کو ژ دەف مە پایز دبیت ل پشکەکا نیڤا زەڤیێ وەرزێ بهارێ دەستپێدکەت.

بریارە سوبەهی ئێکشەمبی سالا نوی یا خاندنێ ٢٠٢٥ بۆ ٢٠٢٦ ل هەرێما کوردستانێ ب پشکداریا نێزیکی دوو ملیۆن قوتابی و خوێندکار و ١٤٨ هزار ماموستایێن میلاک و گرێبەست دەستپێکەت. هەڤدەم، ماموستایێن نەرازی ژی زەنگا بایکۆتێ لێدا.

پشتی چەندین سالان ل هەرەشە و کێمکرنا دەلیڤەیێن کاری، ئەگەر بزاڤێن وێ حزبا سیاسی یا یابان سەرنەگریت، زیرەکیا دەستچێکری دێ چیتە پێشبرکیا هێز و دەستەهەلاتێ.

پەیڤدارێ کۆمسیۆنێ دبێژیت، دەستەیا کۆمسیاران رازەمەندی ل سەر دابەشکرنا داوی دەنگدانا گشتی و تایبەت و ئاوارەیان بۆ هەلبژارتنێ دایە و بۆ هەمی پرۆسەیێ زێدەتری ٢٣ ملیۆن فۆرمێن دەنگدانێ چاپ کرینە.

سیپان ئامێدی د بەرسڤەکێ دا بۆ عەلی تەتەر دبێژیت، راستە حکومەتێ موعجیزە دروست کرینە د پایزێ داینە لێ هێشتا فەرمانبەران مووچەیێن هاڤینێ وەرنەگرتینە.

ڤەلڤینانەوەی نوێ راگەهاند، ئەڤا حکومەتا دەم بسەرڤەچووی دکەت، شانوگەری و توزکرنە د جاڤێن خەلکی دا و دڤێت ژ بەری هەلبژارتنا وەسا دیار بکەت کو رێککەفتنێ دکەت.

چاڤەرێ دهێتەکرن ڤێ حەفتیێ دۆسەیا رادەستکرنا پەتڕۆلا هەرێمێ بهێتە ئێکلاکرن، دەسپێکێ ژی دڤێت رێککەفتنا سێ قولی بهێتەکرن، بڤێژی حکومەتا دەم بسەرڤەچووی چ هێجەتەک نامینیت تا پەتڕۆلێ رادەست نەکەت، ژێدەرەک ژ وەزارەتا پەتڕۆلا عێراقێ بۆ ئێن ئاڕ تی راگەهاند، حکومەتا عێراقێ پێگیرە ب پێدانا شایستێن دارایی یێن کۆمپانیێن پەتڕۆلی و هێڤیدارم ئەڤجارە چ لایەن ئارشەیان بۆ هنارتنا پەتڕۆلێ دروست نەکەت.

سەرۆکی حکومەتا دەم بسەرڤەچووی دبێژیت، تێگە‌شتن و گۆتۆبێژ دناڤبەرا کۆمپانیێن پەتڕۆلێ و بەغدا د بەردەوامن بۆ نەهێلانا ئاستەنگان.

رێکخراوا کۆچا نێڤدەولەتی ئەشکراکر، تەرمێن ١٩ کۆچبەران ل لێڤارێن ئاڤیێن لیبیا دا دیتنە، هەروەسا ١٢ کەس ژی هاتینە رازگارکرن و ٤٢ کەسێن دی ژی بێسەروجهن.

پشتی راگەهاندنا کێمکرنا رێژەیا مفایێ بەنکی ل ئەمریکا و داکەفتنا بهایێ وێ، ئەڤرۆ دووبارە بهایێ کانزایێ زەر بلندبوو و بهایێ ئێک مسقالا زێری عەیار ٢١ ژی ب ٧٤٣ هزار دینارانە.

ئەڤرۆ بهایێ بەرمیلەکا پەتڕۆلا خاڤا برێنت د بازارێن جیهانێ دا ب ٦٦ دۆلار ٦٦ سەنتان بازار پێ دهێتەکرن، بهایێ وێ هەڤبەر ب دوهی ئێک دۆلار هاتیە خار.

ژێدەرەک ژ خاندنا بلند بۆ ئێن ئاڕ تی راگەهاند، زانکۆ لدویف رۆژ ژمێرا تایبەت بخۆ ڤە دێ دەست ب پڕۆسەیا خاندنێ کەن وئێکی ئەیلولێ تاکو ئێکی تشرینا ئێکێ بۆ دەسپێکرنا پرۆسەیا خاندنێ هاتیە دیارکرن.

نووچەگەهانێ ئێن ئاڕ تی راگەهاند، ل گۆندێ چەمەی جوتیارەکی ل دەمێ مژیلی ئاڤدانا زەڤیا خۆ ژئەگەرێ پەپمێ ئاڤێ کارەب دگریت و ژیانا خۆ ژدەست ددەت.