ژێدەرەکی بۆ ئێن ئاڕ تی راگەهاند، بڕیارە تا رۆژا دووشەمبییا حەفتییا بهێت حکومەتا ڕێڤەبرنا کارێن هەرێمێ لیستا مووچەیێ هەیڤا دوو لسەر داخازیا بەغدا ب ئاوایێ دیجیتالی و لدیف سیستەمێ پەترۆل بەرهەڤ بکەت و بنێریت.

ئیدارەیاسەرۆکێ ئەمریکا گەفێن سەپاندنا سزایان بسەر عێراقێ دکەت، ژ ئەگەرێ بەردەوامی دان ژ ڕێگیریکرنا هناردەکرنا پەترۆلا هەرێمێ.

بالیۆزێ بەریتانیا سەرەدانا سەرۆکێ ڤەلڤینا نەوەی نوێ کر و رەوشا هەرێمێ و عێراقێ و دەڤەرێ گۆتووبێژکرن.

وەزیرێ باژێرڤانی و گەشتوگوزارا حکومەتا رێڤەبرنا کاران راگەهاند، پرۆسەیا دابەشکرنا عەردان بسەر فەرمانبەران دا بەردەوامە، دبێژیت ژی، جهێن وان عەردان گەلەک یێ باشە و هیڤیدارن فەرمانبەر ئەرزان فرۆش نەکەن.

پۆلیسێن راپەرین راگەهاند، دوو کەس ب توهمەتا دزینا زێڕی ژ مالەکێ ل رانیە هاتنە دەستەسەرکرن و دان ب تاوانا خۆ داناینە.

ل 24 دەمژمێرێن دەربازبووی ل سنورێ دهۆکی ل دەرازینکا سەرزێری ل سنورێ ئامدیێ نیزیکی 60 سەنتیمەترێن بەفرێ بارینە و ل کانی ماسێ 31 سەنتیمەترێن بەفر بارینە و ل ناحیا دینارتێ سەر ب ئاکرێ 54.5 ملیمێن بارانێ بارینە کو زۆرترینە ل سنورێ دهۆکێ.

سەقاناسیا هەرێمێ راگەهاند، پێلا بەفر و باران بارینێ ل دەڤەرێن هەرێمێ تا ناڤەراستا حەفتیا بهێت دێ بەردەوام بیت و پلەیێن گەرمێ ب ئاوایەکێ بەرچاڤ دێ هێنە خار، سەقاناسیا عێراقێ ژی دبێژیت، ژ رۆژا شەمبیێ ڤە پێلەکا دی یا بەفر بارینێ دێ باژێرێن هەرێمێ ڤەگریت و بەفر ل دەڤەرێن چیایێن دهۆک و هەولێر و سلێمانیێ دێ باریت و ل دەڤەرێن دی ژی باران دێ باریت.

ئەندامەکێ مەکتەب سیاسیا پارتی ڕاگەهاند، 90% کارێن پێکئینانا کابینەیا نویا حکومەتێ تەمام بووینە، لدویف زانیاریان ژی، یەکێتی سازش لسەر پۆستێن سەرۆکێ هەرێم و حکومەتێ بۆ پارتی کریە.

رێڤەبەریا سەقاناسیا هەرێمێ ڕێژەیا باران بارینا ١٢ دەمژمێرێن دەربازبووی بەلاڤکر و راگەهاند، ل پارێزگەها دهۆکێ زۆرترین ڕێژەیا باران بارییە ب ٢٥.٧ ملیم مان، هەروەسا ل پارێزگەها سلێمانیێ کێمترین ڕێژە بارییە ب ئاوایی پچڕ پچڕ.

سەقاناسیا عێراقێ راگەهاند، بارسەتە هەوایەکێ جەمسەریێ گەلەک سار ب بەفر و بارانێ دێ بەرەف دەڤەرێن هەرێمێ عێراقێ هێت. دبێژیت ژی، ل رۆژا ئێکشەمبییا بهێت پێشبینییا بەفر بارینێ ل سەنتەرێن باژێران دهێتەکرن.

پارێزگارێ بەنکا ناڤەندی یا عێراقێ راگەهاند، ل هەرێما کوردستانێ ڕێگیری ژ ڤەکرنا لقێن بەنکێن فیدرالی دهێتەکرن. دبێژیت ژی، مە دڤێت کار بکەین و وەلاتی باوەڕی ب بەنکێن مە بکەن.

ئەو فەرمانبەرێن ل هەیڤا 12 یا سالا دەربازبووی خانەنشین بوون، تا نها کارێن کارگێریێن وان تەمام نەبووینە و ل هەیڤا شوبات مووچەی وەرناگرن، بەلکو هەیڤا سێ دێ سێ مووچەیێن ئەڤسالە پێکڤە وەرگرن.

پیلەکا بەفر و بارانێ بەشەکا دەڤەرێن هەرێما کوردستانێ ڤەگرتیە. سەقاناساژی دبێژیت، ژبلی هەولێر و گەرمیان، بەفر ل سەنتەرێ هەمی باژێر و باژێروکان دێ باریت هەڤدەم هوبا سەقاناسیێ ل رێڤەبەریا چاندنا دهۆکێ ژی راگەهاندیە زۆترین رێژەیا بەفر بارینێ ل کانی ماسێ بوویە کو 12 سانتیمەترێن بەفرێ بارینە، ئاماژە ب وێ ژی کر زۆرترین رێژەیا باران بارینێ ژی ل بامەڕنێ بوویە کو 25 ملیمێن بارانێ بارینە.

سەرۆکێ حزبا سۆسیالیست ڕاگەهاند، حزبێن ئیسلامی هەیڤانە 150 هزار دۆلاران ژ حکومەتێ وەردگرن، بەری دوو رۆژان ژی وەزیرەکێ گۆران بەلاڤکربوو، حزبا گۆران هەیڤانە 250 هزار دۆلاران ژ حکومەتێ وەردگرتن.

ژێدەرەکی ژ داراییا هەرێمێ بۆ ئێن ئاڕ تی ڕاگەهاند، تا نها لیستا مووچەیێ هەیڤا دوو نەهاتیە بەرهەڤکرن، گوتژی، بڕیاربوو دەمژمێر 10 لیستا مووچەی بهێتە بەرهەڤکرن و ب ئونلاین بۆ بەغدا دێ هێتە هنارتن لێ تا نها نەهاتیە بەرهەڤکرن، حەفتیا بهێت لیستا مووچەی ب ئونلاین دێ هێتە بەرهەڤکرن و دێ بۆ بەغدا هێتە هنارتن.

ئەندامەکێ مەکتەب سیاسیا پارتی ڕاگەهاند، دگەل یەکێتی دا گەهشتینە ئەنجامێن گەلەک باش و پێشکەفتی لسەر بەرنامەیێ پێکئینانا حکومەتێ، دبێژیت ژی، ئەو و یەکێتی ل ئێکودوو تێکدگەهن و ئەڤ چەندە ب ئالیێن دی ژی هاتیە گوتن کو مەسەلەیا وان و یەکێتی 50 ب 50 نینە، ئەنجامێ هەلبژارتنێ یێ زەلال و ئەشکرایە، ئانکو حکومەتێ دگەل یەکێتی دا 50 ب 50 دابەش ناکەن.

دەمەکی بەری نوکە ل نیزیک کۆمەها دۆمیز بوویەرەکا هاتن و چوونێ روویدا و هژمارەکا زۆرا برینداران هەنە.

ئێڤاریا ئەڤڕۆ ل سنوورێ باژێڕێ کەرکوک ئاگر بەربوو قوتابخانەکێ و هەمی کەلوپەلێن قوتابخانێ و بەلگەهێن قوتابیان سوتن.

جڤاتا وەزیرێن هەرێمێ د کۆمبوونا ئاساییا خودا یا ئەڤڕۆ پشتەڤانیا خۆ بۆ جووتیارێن کورد ل کەرکوکێ دووپاتکر و دەربارێ پەترۆلا هەرێمێ راگەهاند، داخاز دکەین ب زووترین دەم هناردەکرنا پەترۆلا هەرێمێ دەستپێبکەت.

ئەندامەکێ پەرلەمانێ عێراقێ ل فراکسیۆنا نەوەی نوێ راگەهاند، بڕیارە نڤیسینگەها بەنکا رافیدەین دناڤ بۆرسەیا سلێمانیێ دا بهێتە ڤەکرن کو ئارمانج لێ ساناهیکرنا کاروبارێن بازرگانانە.

سەقاناسیا هەرێمێ ڕاگەهاند، سوبەهی پێلەکا باران بارین و بایەکێ بهێز دێ هەرێمێ ڤەگریت، سەقاناسیا عێراقێ ژی دبێژیت، دوو پێلێن باران بارینێ دەڤەرێن عێراقێ دێ ڤەگرن، پێلا ئێکێ ژ ئەڤرۆ ڤە تا ئەینیێ دێ بەردەوام بیت و پێلا دوویێ ژی ژ ئەینیێ تا دووشەمبیێ.

بڕیارە ئەڤرۆ لژنەیا دارایی و وەزارەتا دارایی و دیوانا چاڤدێریێ لسەر ئێکئالیکرنا پرسا مووچەیێ هەیڤا 12 یێ هەرێمێ کۆمبن و بڕیارا داویێ لسەر بدەن.

سەرۆک وەزیرێن عێراقێ ڕاگەهاند، شەش سەنتەرێن بازرگانی (هایپەر مارکێت) ل بەغدا بۆ فرۆتنا خارن و کەولوپەلان ب بهایێ پشتەڤانیکری دێ ڤەکەت، هەروەسا دەست ب جێبەجێکرنا 23 پرۆژەیێن دی دێ هێتە کرن ل بەغدا و باژێرێن دی.

لدویف داتایێن بازارێن جیهانی بهایێ ئۆنسەیەکا زێڕی ب دوو هزار و ٩٣١ دۆلار و ٩٦ سەنتان بازار پێ دهێتە کرن، هەڤبەر ب دوهی بهایێ وی کانزایێ زەر زێدەتری ٢١ دۆلاران بلند بوو.

مەرجەعێ بلندێ شیعەیان ڕاگەهاند، لدویف سالنامەیێ رۆژا 2ـێ ئادارێ ئێکەم رۆژا هەیڤا رەمەزانێ دبیت کو دکەتە رۆژا ئێکشەمبی.

درەنگیا شەڤا دەربازبووی ژ ئەنجامێ لایفەکێ تۆرا جڤاکیا فیسبووکێ شەر دناڤبەرا چەند گەنجێن شێلادزێ و کومەلگەها هێتیت رویدابوو.

رێڤەبەریا سەقاناسیا هەرێمێ راگەهاند، پێلەکا بەفر و بارانێ دێ هەرێمێ کوردستانێ ڤەگریت و تا رۆژا ئێکشەمبییا حەفتییا بهێت دێ بەردەوام بیت. دبێژیت ژی، ل سەنەتەرێ باژێڕێن بەفر دێ باریت.

ئێڤاریا ئەڤڕۆ سێشەمبی ١٨ـێ شوباتێ، ل گوندێ سەرگەلێ ل سنورێ قەزا ئامێدیێ درۆنەک بەر بانێ مالەکێ کەفت.

سەرۆکێ لژنەیا دارایی ل پەرلەمانێ عێراقێ راگەهاند، مووچەخۆران پشتڕاست دکەین کو هەمی مووچەیێ وان هاتییە دابینکرن و بتنێ داهاتێ پەترۆلێ و دۆلاری بەسە بۆ دابینکرنا مووچەی. دبێژیت ژی، چ بەنکەکا عێراقی سزایێ یاسایی بسەردا نەهاتییە سەپاندن.

ئەڤڕۆ سێشەمبی ١٨ـێ شوباتێ، رێڤەبەریا بازرگانی و ئاهێن خارنێ ل دهۆکێ راگەهاند، داخازێ ژ شوینکارێن بنگەهێن (٢٣١، ٢٣٢) ل ناڤ سەنتەرێ پارێزگەها دهۆکێ دکەین ب زووترین دەم و بێ گیروبوون ل رۆژا پێنجشەمبی ٢٠ێ ڤێ هەیڤێ، سەرەدانا ڕێڤەبەریا ئاهێن خارنێ بکەن.