میدیایێن ئیرانی بەلاڤکرینە، ب سەدەمێ تۆزبارینێ ل پارێزگەها سیستان - بەلوجستان ل باشورێ رۆژهەلاتا ئیرانێ سێ کەسان ژیاناخۆ ژ دەستدان و زێدەتری هزار کەسان ژی بۆ وەرگرتنا چارەسەریێ رەوانەی نەخۆشخانەیان هاتینەکرن.
شەهزادەیێ جھنشینێ سعودیە ڕاگەهاند؛ ژ پێخەمەت ئەولەهی و هەڤسەنگیا هێزێ ل ڕۆژهەلاتا ناوڤەڕاست، ئەگەر ئیران چەکێ ئەتۆمی بدەستڤە بینیت ل وی دەمی سعودیەژی ب هەمان ئاوا دێ بدەستڤەئینیت.
ڕێکخراوا هەنگاو راگەهاند، دگەل نێزیک بوونا سالڤەگەرا ژن ژیان ئازادی ل ١٥ رۆژێن دەستپێکا ڤێ مەهێ دا زێدەتری ٩٠ وەلاتی هاتینە دەستەسەرکرن و باژێرێن ڕۆژهەلات ژی هێزەکا زۆر تێدا هاتیە کۆمکرن و وەکی سەربازگەهان لێ هاتیە.
شێورمەندێ ڕێبەرێ بلندێ ئیرانێ بۆ کاروبارێن نێڤدەولەتی راگەهاند، ئیرانێ نەڤێت دگەل چ جیرانێن خۆ تووشی چ جۆرە ئاریشەیێن ئاسایشێ و ناکۆکۆکیان ببیت.
پەیڤدارێ وەزارەتا دەرڤەیا ئیرانێ ڕاگەهاند، دگەل بەشەکا برگەیێن ڕاگەهاندنا جڤاتا هاریکاریا خەلیجی دەربارەی قەدەغەکرنا چەکێ ئەتۆمی کۆک نینین و بەردەوام دبن لسەر جێبەجێکرنا بەرنامەیێ ئەتۆمی.
فەرماندەیێ گشتیێ هێزێن سوریایا دیموکرات راگەهاند: د نهادا رەوشا دێرەزور ئارامە و هێزێن وان بەردەوامن ژ بزاڤێن خۆ بۆ سەقامگیرکرنا وێ دەڤەرێ و دابینکرنا ئاسایی بۆ وەلاتیان.
سامانێ یەدەگێ بیانیێ سعودییە ل مەها تەمموزا دەربازبووی زێدەتری ٤٢٦.٩ ملیار دۆلار بوونە و هەڤبەر ب مەها حوزەیرانا سالا دەربازبووی نێزیکی ٣.٧٪ داکەتیە و ئەوژی کێمترین ئاستێ یەدەگێ وی ولاتیە ژ سالا ٢٠١٠ێ ڤە.
پەیڤدارێ وەزارەتا دەرڤەیا ئیرانێ ڕاگەهاند، لهەڤهاتنا ئەولەهیا دناڤبەرا عێراقێ و ئیرانێ دا بۆ چەککرنا هێزێن ئۆپۆزسیۆنێ یێن رۆژهەلاتا کوردستانێ د دەمێ خۆدا دێ هێتە جێبەجێکرن و دبێژیت ژی، "ئەگەر عێراق پێگیر نەبیت نەچار دبین ژبەر گرەنتیا ئاسایشا ئیرانێ کارێ خۆ جێبەجێ بکەین".
پشتی سەردانەکێ بۆ سوریا جێگرێ وەزیرێ بەرەڤانیا روسیا داخازا دوویرئێخستنا چەکدارێن ڤاگنەر ژ سەرکردەیێن سەربازیێن وی ولاتی کر.
بڕیارە هەدەپە کۆنگرەیێ نەئاسای ئەنجامبددەت و ئەرک و کارێن خۆ رادەستی پارتا چەپا کەسک بکەت.
ئەڤرۆ ل سعودیە گۆپیتکا جەددە، تایبەت ب دیتنا چارەسەریەکێ بۆ قەیرانا ئۆکرانیا دێ دەست پێکەت.
ژ ئەگەرێ هێرشەکا درۆنی یا ئارتێشا تورکیا ژ سەربازگەهەکا هێزێن سوریا دیموکرات ل باژێرێ حەسەکێ چار شەڕڤان هاتنە کوشتن و هەشت ژی برینداربوون.
ل باژێرێ سێڤاسێ باکوورێ کوردستانێ د بوویەرەکا هاتن و چوونێ دا چار کەسان ژیاناخۆ ژ دەستدان کو سێ ژ وان ئەندامێن ئێک خێزانن و کەسەکێ دی ژی ب گرانی برینداربوویە.
ل چەند رۆژێن بهێت، بڕیارە رەجەب تەیب ئەردۆغان سەرۆک کۆمارى تورکیا، سەرەدانا سێ ولاتێن کەنداڤ بکەت.
ئاژانسا نووچەیا سعودی راگەهاند، ل پارێزگەها جەددە ل سعودیە کەسەکی تەقە ژ کونسولخانەیا ویلایەتێن هەڤگرتیێن ئەمەریکا کریە و زێرەڤانەک کوشتیە و پشترا تەقەکەرژی هاتیە کوشتن.
وەزیرێ گەنجینە و داراییا تورکیا، ب هەر سێ زمانێن تورکی، کوردی و عەرەبی پیرۆزباهییا جەژنا قوربانێ بەلاڤکر.
وەزارەتا حەج و عومرەیا سعودیە ژمارەیا حەجیێن ٥٤ سالێن دەربازبووی بەلاڤکرن و گۆت زێدەتری ٩٩ ملیۆن کەسان ل دەمێ ٥٤سالاندا فەریزەیا حەجێ ئەنجامدایە.
بالەفرێن بێ بالەفرڤانێن تورکیا ل رۆژئاڤایێ کوردستانێ ترۆمبێلەک کرە ئارمانج و د ئەنجامدا سێ وەلاتیان ژیانا خۆ ژ دەستدان کو ئێک ژ وان هەڤسەرۆکا کانتۆنا قامیشلۆیە.
ب سەدەمێ بوویەرەکا هاتن و چوونێ ل مێرسینا باکورێ کوردستانێ کەسەکی ژیانا خۆ ژ دەستدا و ٢٨ کەسێن دی ژی بریندار بوون.
وەزارەتا ناڤخۆیا سعودیە ڕاگەهاند، رێکار و سزایێن توند لهەمبەر وان کەسان دگرنەبەر کو بێ هەبوونا موهەلەتا فەرمی پشکداریێ دمەراسیمێن جێبەجێکرنا حەجا ئەڤسالە دکەن.