پۆلیسێن پاکستان بەلاڤکر، ب سەدەمێ تەقینەکێ ل هەرێما بەلوجستان ٥٢ کەسان ژیانا خۆ ژدەستدان.
وەزیرێ دەرڤەیێ روسیا راگەهاند، بەرهەڤن دگەل ئۆکرانیا گۆتوبێژان بکەن، ب وی مەرجی بەرژەوەندیێن روسیا لبەرچاڤ بهێنە وەرگرتن.
میدیایێن ئەمریکا بەلاڤکرن، سەیێ سەرۆکێ ئەمریکا بۆ جارا ١١ـێ هێرش دکەتە سەر کارمەندێن کۆشکا سپی.
کونسلخانەیا ئەلمانیا ل هەرێمێ ڕاگەهاند، ئەلمانیا ب دلتەنگیەکا زۆر هایداری نووچەیێن دەربارەی رەوشا ڕۆژنامەڤانێ دەستەسەرکری گوهدار زێباری یە.
وەزارەتا دەرڤەیا ئەمریکا راگەهاند ، وان میڤانداریا شاندەکێ حوسیێن سعودییە کریە بۆ گۆتوبێژکرن و ئەنجامدانا دانوستاندنێن ئاشتی ل یەمەن. گۆتژی، ئەمریکا ل ژێر چاڤدێریا نەتەوەیێن هەڤگرتی، پشتەڤانیا ڤەژاندنا پرۆسەیا سیاسیا یەمەن و سعودییە دکەت.
ئاژانسا رۆیتەرز بەلاڤکریە، وەزیرێ بەرەڤانیا چینێ ب تۆهمەتا گەندەلیێ د هژمارکا گرێبەستێن سەربازیدا هاتیە دەستەسەرکرن و ڤەکۆلین دگەلدا دهێنەکرن.
کوڕێ سەرۆکێ ئەمریکا ب توهمەتا هەلگرتنا چەکێ بێ موهلەت و بکارئینانا ماددەیێن هشبەر دێ بۆ دادگەهێ هێتە بانگهێشتکرن و دهێتە پێشبینیکرن لسەر وان تاوانان بهێتە سزادان.
عەردهەژەک ب گوڕێ ٤.٥ پلەیێن رێختەر ل باکوورێ رۆژهەلاتا سوریا روویدا و چ زیانێن گیانی و ماددی نەبوون.
ئاگر ل پرۆژەیەکێ ئاکنجیبوونێ ل باژێرێ هانوی، پایتەختێ فێتنام بەربوویە و ب وێ سەدەمێ ٥٦ کەسان ژیانا ژیانا خۆ ژدەستداینە و دەهان کەسێن دی برینداربووینە.
پشتی کو بهایێ هەر بەرمیلەکا پەترۆلا خاڤا برێنت گەهشتیە ٩٠ دۆلاران، ئەڤرۆ د بۆرسەیێن پەترۆلا جیهانێ دا ئێک بەرمیلا پەترۆلا خاڤا برێنت ب ٩٠ دۆلار و ٥٣ سەنتان بازار پی دهێتەکرن، بهایێ وێ لهەمبەر روژا دەربازبووی ١٢ سەنتان داکەفت.
لگۆرەی داتایێن بازارێ جیهانیێ پەترۆلێ بهایێ هەر بەرمیلەکا پەترۆلا خاڤا برێنت ژ ٩٠ دۆلار بۆ ٦٥ سەنتان بنەجهە، ئەڤرۆ د بۆرسەیێن پەترۆلا جیهانێ دا ئێک بەرمیلێ پەترۆلا خاڤا برێنت ب ٩٠ دۆلار و ٦٥ سەنتان بازار پی دهێتەکرن.
وەزارەتا ناڤخۆیا مەغریب ڕاگەهاند، ژمارەیا ژیان ژ دەستدانێ د عەردهەژا مەغریب دا گەهشتیە هزار و ٣٧ کەسان و هزار و ٢٠٤ کەسێن دی ژی بریندارن.
جێگرێ پەیڤدارێ سکرتێرێ گشتیێ نەتەوەێن هەڤگرتی بۆ ئێن ئاڕ تی ڕاگەهاند: نوویکرنا لهەڤهاتنا دەخل و دانی گرنگە بۆ سەقامگیرکرنا بازاری و پاراستنا ئاسایشا خارنێ.
سکرتێرێ گشتی یێ نەتەوەیێن هەڤگرتی ڕاگەهاند، تێکچوونا سەقایێ جیهانێ دەستپێکر، دبێژیت ژی، "ئەگەر پلەیێن گەرمیێ ب ڤێ بلندیێ بمینن دێ بنە جهێ مەترسیێ".
پارێزگارێ ویلایەتا ریۆ و گراندی دول سول ل بەرازیل ڕاگەهاند، ب سەدەما باران بارینێ و هەلکرنا باهوزەکا بهێز ل وێ ولایەتێ ٢١ کەسان ژیانا خۆ ژدەستدان.
سەرۆکێ سوریا د کۆنفرانسەکێ رۆژنامەڤانی دا ڕاگەهاند، مەرجێ وان بۆ گوتوبێژان دگەل تورکیا ڤەکشیانا هێزێن چەکداریێن تورکیایە کو هەیاما ١٢ سالانە لسەر ئاخا سوریانە، سەرۆکێ تورکیا ژی ڤێ پێنگاڤا سوریا ب دلخۆشکەر نابینیت و ئامادە نینە ڤەکشیت.
کۆچکا سپی ڕاگەهاند، د دەمەکێ نێزیک دا هەردوو سەرۆکێن کۆریا باکوور و رووسیا بۆ گۆتوبێژکرنێ دەبارەی گرێبەستا نوی یا چەکی ل رووسیا دجڤن.
سەرۆکێ روسیا ڕاگەهاند، ل دەما جێبەجێکرنا لهەڤهاتنا دەخل و دانی ئەو خالە جێبەجێ نەکرینە کو د بەرژەوەندیا روسیادا بوون ژبەر وێ لهەڤهاتنا خۆ نوی نەکرینە. دبێژیت ژی، "ئەگەر ئەو خالێن د بەرژەوەندیا مەدا جێبەجێ بکەن ئەڤەژی بۆ لهەڤهاتنێ د زڤڕیت."
ڤلادمیر پوتین سەرۆکی روسیا دگەل رەجەب تەیب ئەردۆغان سەرۆک کۆمارێ تورکیا ل باژێرێ سوچی ل روسیا جڤیا و گوتوبێژ لسەر پرسا گرێبەستا غاز و دەستپێکرنا هناردەیا دەخل و دانێ ئۆکرانیا کرن.
پشتی کو ژ لایێ سەرۆکێ ئۆکرانیا ڤە ل پۆستێ وی هاتیە دویرخستن وەزیرێ بەرەڤانیا ئۆکرانیا دەست ژ کارکێشان ڕاگەهاند.