ژانی نەزمێکی نوێی جیهانی!

568 جار خوێندراوەتەوە

هەر نەزمێکی نوێی جیهان، مەحاڵە بەبێ شەڕێکی گەورە لەدایک ببێت، ئەو ململانێ نوێیە و ئەو عەرزی عەزەڵاتەی بەسەرکردایەتیی چین ئەمڕۆ نیشانەدرێت، گوزارشتە لەبلۆکێکی نوێی جیهانی و ئەمریکاش ئەمە باش دەبینێت، دۆناڵد ترەمپ سەرۆکی ئەمریکا لەتازەترین پەیامیدا ئاماژەی بەوەدا کە ئێمە دەتوانین هێرش بکەین بۆچی دەبێت بەرگری بکەین، ئەم هەڕەشەیە دایکبووی ئەو هەوڵانەیە کەئێستا چین خۆی کردووە بەخاوەنی بلۆکە نوێیەکە!

ڕۆژنامەی (پۆلیتیکۆ)ی ئەمریکی ڕەشنوسێکیی ستراتیژییە نوێیەکانی بەرگری ئەمریکا ئاشکرا دەکات کە جۆرێک لە گۆڕانکاری سیاسەتی دەرەوەی ئەمریکا لە فایلێکدا نیشان دەدات ، کە ئەولەوییەت دەدات بەئەرکە ناوخۆیی و ناوچەییەکان لەسەر حیسابی ڕوو بەڕووبوونەوەی نەیارەکانی وەک چین و ڕوسیـا.

ئەمریکا لەئێستادا، هەربەدوای ئەم لێدوانەی سەرۆک ترامپدا وەزارەتیی بەرگری وڵاتەکەشی لەبەرگرییەوە گۆڕی بۆ وەزارەتیی جەنگ و کەوتە هەڕەشەکردن لە وڵاتی لەفەنزوێلا و ترامپیش ڕایگەیاند هەر فڕۆکەیەک لەوکەشتیانە نزیک بێتەوە کەوەک هێزێکی زەبەلاح لە ئاوە دەریاییەکانی کاریبی بڵاوی کردۆتەوە،دەخرێنە خوارەوە.

چین و ڕوسیاش لەئێستادا پاڵپشتی تەواوی سیاسی و ئابوری خۆیان بۆ ڤەنزوێلا بەدوورنازانن، لەبەرامبەر هەڕەشەکانی ترامپ بۆ گۆڕینی ڕژێمی مادۆرۆ، بێگومان ئەمەش پەیامێکە بۆ ئەمریکا کە کاراکاس بەتەنها نامێنێتەوە، لەبەرامبەر فشارەکانی سەر ئەو وڵاتە، وەلێ هەر دەستێوەردانێکی ڕاستەوخۆی ئەمریکا، دەبێتە هۆی گڕگرتنی ململانێیەکی نێودەوڵەتیی فراوانتر.

بۆیە کەشوهەوای جیهانی لەئێستادا زیاتر زمانی هەڕشەو هێز باڵادەسترە وەک لەزمانی دیبلۆماسیەت لەنێوان بلۆکە نوێیەکەی ڕۆژهەڵات و ڕۆژئاوایی و ئەمریکاییەکەدا کەجیهانی بردووەتەڕوو بە ڕووبونەوەیەکی نوێ و ئەگەرەکانی فراوانبوونی شەڕ زیاتر بوونە و زەحمەتە ئەو نەزمە نوێیە، بەبێ ژان لەدایک بێت.