وەزیرێ ژێدەرێن ئاڤا عێراقێ ڕاگەهاند، ئەو بارانا ل ڤێ داویێ باری کارتێکرن هەبوویە لسەر ئاستێ ئاڤا هەلگرتی و بۆ هاڤینی ژی پشتڕاستیێ ددەتە وەلاتیان. دبێژیت ژی، "ئەو بارانا هەتا نها باری ئاڤدێریا دەخلودانی پەیداکریە".

جڤاتا وەزیرێن عێراقێ ڕاگەهاند، ژبەر خرابیا ڕەوشا سەقای دەوام بۆ سوبەهی ل هەمی سازیێن عێراقێ هاتە ڕاگرتن.

دەستەیا سەقاناسیا عێراقێ ڕاگەهاند، د ڤێ حەفتیێ دا پلەیێن گەرمێ نزم دبن و پێشبینی دهێتەکرن بارانا بهێز بباریت.

ئەندامەکێ کۆمیتەیا ناڤەندیا پارتی ڕاگەهاند، د ئەڤسالەدا هەلبژارتن دێ هێتە ئەنجامدان، گۆت ژی، "حەفتیا داهاتی قوباد تالەبانی دێ ڤەگەڕێتە ڤە بۆ جڤینێن حکومەتێ".

ل دەمێ داخستنا بازاڕێن دراڤان ل هەرێمێ بهایێ ١٠٠ دۆلاران ب ١٥٥ هزار و ٣٥٠ دیناران بازار پێ هاتەکرن و هەڤبەر ب دەمێ ڤەکرنا بازاڕان بهایێ وی ٦٠٠ دیناران بلندبوویە.

هەردوو پارێزگەهێن ئەنبار و زیقار ڕاگەهاندن، ب سەدەمێ رەوشا سەقایێ سوبەهی دووشەمبیێ ل هەمی خاندنگەهـ و سازیێن فەرمی دوام دێ هێتە ڕاگرتن.

میدیایەکا عێراقی ب ناڤێ "العالم الجدید" ڕاگەهاند، ئەمریکا هایداری دایە مەسعود بارزانی سەرۆکێ پارتی دیموکراتی کوردستان، لسەر بڕیارا دادگەها پاریس رازی ببیت.

وەزارەتا پەتڕۆلا عێراقێ ڕاگەهاند، ل بەغدا یا پایتەخت دگەل شاندێ هەرێمێ جڤیاینە و گۆتوبێژ دەربارەی میکانزم و داتایێن نویێن هنارتنا پەتڕۆلا هەرێمێ کریە.

پشتی بڕیارا دادگەها ناڤدەولەتیا پاریس ل بەرژەوەندیا عێراقێ و دژی تورکیا، بڕیارە لڤان نێزیکان شاندەکێ عێراقێ بچیتە تورکیا و لسەر دۆسەیا هنارتنا پەتڕۆلێ جارەکا دی ب ئاوایەکێ نوی لهەڤبهێن.

پشتی گڤاشتنێن ناڤدەولەتی رۆژا ١٨ێ١١ یا ئەڤسالە بۆ هەلبژارتنا پەرلەمانێ کوردستانێ هاتە دیارکرن.

ئەڤرۆ بهایێ ١٠٠ دۆلاران د بازاڕێن هەرێمێ دا ب ١٥٤ هزار و ٧٥٠ دیناران بازاڕ پێ دهێتەکرن و هەڤبەر ب دوهی دەمێ داخستنا بازاران بهایێ وێ داکەتیە.

ئەڤرۆ سپێدێ دەمژمێر ٦:٤٥ خۆلەک، عەرد هەژەک ب گوڕێ ٣.١ ب پلەیێن رێکختەر دناڤبەرا خانەقین و قەسرا شیریندا روویدا، لێ چ زیانێن ژیان ژ دەستدان و ماددى لدیڤ خۆ نەئینان.

لدیڤ داتایێن بازارێ جیهانیێ پەترۆلێ، بهایێ ئێک بەرمیلێ پەترۆلا خاڤا برێنت ب ٧٤ دۆلار و ٩٩ سەنتان بازار پێ دهێتەکرن ب ڤێ ژی بهایێ وێ هەڤبەر ب دوهی بهایێ وێ ب جێگری مایە.

وەزارەتا داراییا حکومەتا دەم بسەرڤەچوویا هەرێمێ ڕاگەهاند، سوبەهی ئێکشەمبیێ مووچەیێ مەها شوباتێ یێ وەزارەتێن پلاندانان و بازرگانی و سامانێن سروشتی و ڤەگوهاستن و گەهاندن و چاندنێ دێ هێتە دابەشکرن.

حکومەتا دەم بسەرڤەچوویا هەرێمێ ڕاگەهاند، ب هەلکەفتا هاتنا مەها رەمەزانێ ل هەمی سازیێن هەرێمێ دەمژمێرەکێ دەواما فەرمانبەران دێ هێتە کێمکرن.

پشتی وێیەکێ کو وەزارەتا دەرڤەیا ئەمریکا ڕاپۆرتەک دەربارەی رەوشا سیاسی و دیموکراسی و ئازادیا ڕادەربڕینێ بەلاڤکری و تێدا رەخنە ل دەستهەلاتدارێن هەرێمێ گرتی، نڤیسەرەکێ پارتی داخازا دەرخستنا کونسولێ ئەمریکا ل هەرێمێ دکەت.

لگۆڕ زانیاریێن نووچەگەهانێ ئێن ئاڕ تی ل ئەلمانیا، دەمێ پێنج رۆژانە هژمارەکا کۆچبەرێن کورد ل کەنارێن تورکیا ب ڕێکەفتینە ب مەرەما گەهشتن ب کەنارێن ئاڤیێن ئیتالیا، د نها دا ئاسێ ماینە و ب ڕێکا ئێن ئاڕ تی داخازا د هەوارچوونێ دکەن.

سەرۆکێ حکومەتا دەم بسەرڤەچوویا هەرێمێ راگەهاند، "سوبەهی تیمەکێ حکومەتا هەرێما کوردستانێ، دێ سەرەدانا بەغدا کەت هەیا کو لسەر بنەمایێن نیازپاقژیێ، درێژەیێ ب گۆتوبێژان بدەین".

وەزارەتا سامانێن سروشتی یێن هەرێمێ ڕاگەهاند، بڕیارا دادگەها فەرەنسی د بەرژەوەندیا حکومەتا عێراقێ دژی تورکیا، ڕێگر نابیت ل پەیوەندیێن د ناڤبەرا هەرێمێ و بەغدا. دبێژیت ژی، "دێ سەرەدانا بەغدا کەینەڤە بۆ گۆتوبێژکرن و چارەسەرکرنا بابەتێن پەیوەندیدار".

ل دەمێ سەرەدانیکرنا سەرۆکێ ئەمریکا بۆ مالا سەرۆک وەزیرێن کەنەدا، کوڕێ سەرۆکێ کەنەدا ب بێ پێلاڤ و ب جلکێن پیس پێشوازی لێکر و ڤێ یەکێ ژی کارڤەدان لدیڤ خۆ ئینان.

نێزیکی حەفتیەکێ یە ل سنورێ ناحیا سنونێ قەیرانا غازێ دروست بوویە و د نها دا بهایێ ئێک بتلێ غازێ ب ١٩ هزار دینارانە، لگۆڕ زانیاریێن نووچەگەهانێ ئێن ئاڕ تی ژی، ئەگەرێن دروستبوونا قەیرانا غازێ ب قاچاغ هنارتنا غازێ یە بۆ هەرێمێ ژ ئالیێ بەرپرسەکێ پارتی ڤە.

ژێدەرەکی ژ وەزارەتا پەتڕۆلا عێراقێ ب ئاژانسا نووچەیا رۆیتەرز ڕاگەهاند، پشتی برنا دۆسەیا دادگەها پاریس، عێراقێ هنارتنا پەتڕۆلێ ل زەڤیێن هەرێمێ و باکورێ کەرکوک بۆ تورکیا ڕاگرت.

وەزارەتا پەتڕۆلا عێراقێ ڕاگەهاند، ئەو سکالایا ل دادگەها پاریس لسەر نەیاسایبوونا هنارتنا پەتڕۆلا هەرێمێ بۆ تورکیا بریە. تورکیا ژی دبێژیت، ڕێزێ ل بریارا دادگەها پاریس دگرین".

نەتەوەیێن هەڤگرتی ڕاگەهاند، گۆهرینا سەقای بوویە گەف لسەر مەزنترین ژێدەرێ ئاڤا ڤەخارنێ د جیهانێ دا و بوویە سەدەمێ بوهژینا رووبارێن جەمەد گرتیێن چیایێ هیمالایا و باشورێ ئاسیا.

بهایێ زێڕی د بازارێن جیهانێ دا بلندبوو و ئێک ئونسا زێڕی لهەمبەر هزار و ٩٧٨ دۆلاران بازار پێ دهێتەکرن، ل هەرێمێ ژی بهایێ هەر مسقالەکێ ١٠ هزار دیناران داکەتیە.

هژمارا ژیان ژ دەستدانێ ب سەدەمی هێرشا ئەمریکا بۆ سەر کوگەهەکا ئیرانێ ل سوریا بۆ ١٩ کەسان بلند بوو و سەرۆکێ ئەمریکا ژی گەفا ل ئیرانێ دکەت.

ئەڤرۆ بهایێ ١٠٠ دۆلاران د بازارێن هەرێمێ دا ب ١٥٥ هزار و ٩٠٠ دیناران بازار پێ دهێتە کرن ب ڤێ ژی ئێکەم جارە ل دەما ١٠ رۆژێن بۆری بهایێ وێ بۆ ژێر ١٥٦ هزار دیناران بهێتە خار.

سەقاناسیا هەرێمێ پێشبینیێن سەقایێ ئەڤرۆ و سبەهی ئەشکراکرن و دبێژیت، ژ سبەهی ڤە بارانبارین دێ دەستپێکەت.

رووپەلەکێ بەریتانی د نووچەیەکێ دا بەلاڤکریە، دادگەها پاریس دۆسەیا فرۆتنا پەترۆلا هەرێمێ د بەرژەوەندیا عێراقێ دا ئێک ئالی کر.

وەزارەتا کولتوور و گەشتوگوزاریا تورکیا ڕاگەهاند، ولاتێ وان د مەها کانوونا دوویێ و شوباتێ دا مێڤانداریا سێ ملیۆن و ٨٧٦ هزار و ٢٨١ گەشتیارێن بیانی کریە و رێژەیا گەشتیاران د دەما دوو مەهاندا هەڤبەر ب هەمان دوو مەهێن سالا بۆری ٪٣٧،٣١ زێدە کریە.