لدیڤ نویترین راپۆرتا چاڤدێریا داراییا عێراقێ داهاتێ مەهانە یێ باجێ ل هەرێما کوردستانێ زێدەتری 313 ملیار دینارانە و سالانە ژی دگەهیتە نێزیکی سێ تڕلیۆن و 750 ملیار دیناران.
پەرلەمانتارەکێ عێراقێ راگەهاند، هزار دۆنەمێن عەردی ل دەڤەرا دیالە تەرخانکرینە ژبووی دروستکرنا وێستگەهەکێ بەرهەمئینانا کارەبێ ب ڕێکا تیشکا رۆژێ کو شیانێن بەرهەمئینانا ١٢٠ مێگاواتێن کارەبێ هەنە.
بەپرسەکێ بلندێ وەزارەتا داراییا عێراقێ بۆ ئێن ئاڕ تی راگەهاند، هەرێم بەرهەڤ نینە داهاتێ ناڤخۆ ڕادەستی بەغدا بکەت و تنێ داهاتێ دوو مەهێن دەرازینکێن سنووری ڕادەست کریە کو نێزیکی ١٥٥ ملیار دینارانە کو ناگەهیتە ٥٪ یا داهاتێ ناڤخۆ، ئەڤ چەندە ژی بوویە جهێ دلگرانیا حکومەتا عێراقێ.
دەمەکی بەریا نها تەرمێ کەسەکی ل دەراڤێن گۆڤکێ د ئاڤا خابیری دا هاتە دیتن و تەرمێ وی ژلایێ تیمێن نقومڤانێن بەڕەڤانیا باژێڕێ زاخۆ ژ ئاڤێ ئینایەدەر.
وەزیرێ پەترۆلا عێراقێ راگەهاند، ب مەرەما بلندکرنا ئاستێ بەرهەمئینانا کارەبێ، وێستگەهەکا نووویا غازێ ل زەڤیا پەترۆلیا مەجنون ڤەکر. دبێژیت ژی، "ئەو وێستگەهـ دشێت ٥٦ مێگاواتێن کارەبێ بەرهەمبئینیت و دەمژمێرێن دانا کارەبێ بلند بکەت".
ئەڤڕۆ ئەینی، ژنەک ل گوندێ گلنجاخی ل سنورێ گۆپتەپە د ئاڤا زێیێ بچیک دا خەندقی، هەروەسا ل کەرکوک ژی گەنجەک لدەمێ ڕاڤا ماسیان خەندقی.
وەزیرێ کاروبارێن ئاینی ل پاکستان ڕاگەهاند، 50 هزار پاکستانی ل دەمێ رێورەسمێن محەرەمێ دیار نەماینە، عێراق ژی دبێژیت، بەشەکا وان ب ئاوایەکی نەیاسایی هاتینە عێراقێ و هاتینە دەستەسەرکرن.
پەیڤدارێ وەزارەتا بازرگانیا عێراقێ بۆ ئێن ئاڕ تی راگەهاند، ب مەرەما دابینکرنا ئاسایشا خارنێ و پاراستنا بهایێ دەخلودانی چەند گرێبەستەک بۆ دروستکرنا چەند بەرهەمێن دەخلودانی ژ وی گەنمێ ژ جوتیاران هاتیە وەرگرتن ئەنجام داینە. گۆت ژی، "حکومەتا هەرێمێ ئاسانکاری بۆ کۆمپانیێن بیانی نەکریە".
هەیاما مەهەکێ یە دەڤەرێن جودایێن سنورێ هەرێما کوردستانێ ب رێکا بالەفرێن شەڕی ڤە دهێنە بۆمبەبارانکرن و ب وێ سەدەمێ سەدان دۆنەمێن عەردی سوتینە، لدویف زانیاریێن ئێن ئاڕ تی، هەیاما دوو رۆژانە ئاگر بەربوویە چەند دەڤەرێن سنورێ برادۆست و ناهێتە ڤەمراندن.
وەزیرێ کاروبارێ ئاینی ل پاکستان ڕاگەهاند، ٥٠ هزار پاکستانی ل دەمێ رێورەسمێن محەرەمێ دیار نەماینە. عێراق ژی دبێژیت، بەشەکا وان ب نەیاسایی دەست ب کاری کرینە.
کۆشکا سپی ڕاگەهاند، د جڤینا سەرۆکێ ئەمریکا و سەرۆک وەزیرێن ئیسرائیل دا سەرۆکێ ئەمریکا تەکەزی لسەر ئەنجامدانا ئاگربەستێ کر ب زوویترین دەم.
لدیف داتایێن بازارێن جیهانی، ئەڤڕۆ پێنجشەمبی، بهایێ ئێک بەرمیلا پەترۆلا برێنت ب ٨٢ دۆلار و ٥٢ سەنتان بازار پێ دهێتە کرن و هەڤبەر ب دوهی بهایێ زێدەتری ئێک دۆلار بلندبوو.
نووچەگەهانێ ئێن ئاڕ تی راگەهاند، کەسەک د خابیرێ گوندێ پاسێ ل سنورێ ناحیا بامەڕنێ ل قەزا ئامێدیێ خەندقی.
وەزیری داراییا عێراقێ راگەهاند، دێ دەست ب چاکسازیێ د دامەزراوەیێن دارایی یێن وەزارەتا دارایی دا ب تایبەتی بەنکێن ڕەشید و ڕافیدەین کەین، کو ئارمانج لێ گەشەپێدانا کەرتێ بەنکێ و باشترکرنا وان خزمەتگوزاریانە کو بەنک پێشکێشی وەلاتیان دکەن.
وەزارەتا داراییا عێراقێ بۆ ئین ئاڕ تی راگەهاند، ژبەر نەدروستیا لیستێ هویربینی د لیستا مووچەیێ مەها حەفت یا مووچەخۆرێن هەرێمێ دا هاتیە ڕاگرتن. دبێژیت ژی، "داخازا زەلالکرنێ ژ حکومەتا ڕێڤەبرنا کارێن هەرێمێ کریە تا بشێن حەفتیا بهێت مووچەیێ مووچەخۆرێن هەرێمێ ڕەوانە بکەن".
لدەمێ دائێخستنا بازارێ دراڤان ل هەرێمێ بهایێ دۆلاری هاتە خار و ١٠٠ دۆلار ب ١٤٩ هزار و ٣٥٠ دیناران بازار پێ هاتە کرن، هەڤبەری دەمێ ڤەکرنا بازاری ٣٠٠ دیناران هاتە خار.
نووچەگەهانا ئێن ئاڕ تی ڕاگەهاند، بەری دەمەکێ کێم ئێک ژوان بریندارێن کو ئەڤرۆ ب سەدەمێ تەقینا تەنکەرێ گازێ د نەخۆشخانێ دا ژیانا خۆ ژدەستدا.
وەزارەتا کۆچ و کۆچبەرێن عێراقێ راگەهاند، ئەڤڕۆ ل کەمپا شاریا ل سنورێ دهۆکێ ٨٥٠ ئاوارە ڤەگەڕیانە دەڤەرێن خۆ ل شنگال و هەڤکاری بسەر هەمیان دا هاتە دابەشکرن.
جڤاتا خزمەتگوزارییا گشتی ل عێراقێ راگەهاند، بڕیار دایە ب دامەزراندنا ٥٦٠ کەسێن خودان باوەڕنامەیێن بلند و دەرچوویێن ئێکەم ل وەزارەت و دەستە و پارێزگەهێن عێراقێ.
رێڤەبەرێ گشتیێ هاتنوچوونا عێراقێ ڕاگەهاندنەک بەلاڤکر و تێدا هاتیە، راگرتنا ترۆمبێلان لسەر شۆستەیێن جاددەیان ب هەمی ئاوایەکی قەدەغەیە و هەر شۆفێرەک ترۆمبێلێ لسەر شۆستەیان رابگریت، ب کوژمێ ١٠٠ هزار دیناران دهێتە سزادان.