سەرۆکێ ڤەلڤینا نەوەی نوێ ڕاگەهاند، پرۆژەیێ هژمارا من نە یاساییە و چ حکومەتەک نەشێن مووچەخۆران نەچار بکەت ل چەند بەنکێن جودا مووچەی وەربگرن.
لدیف زانیاریێن ئێن ئاڕ تی، لسەر رێکا دوکان – سلێمانی 10 بوویەرەکا هاتن و چوونێ دناڤبەرا 10 ترۆمبێلان دا روویدا و بەشەکا وان ترۆمبێلان ب تەمامی هاتینە تێکشکاندن، هەڤدەم، نووچەگەهانێ ئێن ئاڕ تی ڕاگەهاند، کو چ زیانێن گیانی د وێ بوویەرێ دا نینە.
سەقاناسیێ ڕاگەهاند، ژ ئەڤرۆ پێدا پێلەکا گەرمێ بەرەف هەمی پارێزگەهێن عێراقێ دهێت گوت ژی، " ئەو پێلە ئەڤرۆ و سوبەهی دێ بەردەوام بیت".
لدیڤ زانیاریێن ئێن ئاڕ تی، دەستدرێژیا گولـلەیان ژ ترۆمبێلەکێ هاتیە کرن و ب وێ سەدەمێ دوو کەسان ژیانا خۆ ژ دەستدایە ئێک ژ وان کارمەندێ هێزێن ئەولەهیێ یە.
پەرلەمانتارەکێ نەوەی نوێ ل گەڕا پێنجێ ل پەرلەمانێ کوردستانێ راگەهاند، حکومەتا رێڤەبرنا کارێن هەرێمێ تا نها نەشیایە ئاریشەیا کارەبێ چارەسەر بکەت، د دەمەکی دا کارەبا ٢٤ دەمژمێری بۆ مالێن بەرپەرسان دابینکریە. دبێژیت ژی، " خەلک تنێ ب ڕێکا دەنگ دانێ دشێت وێ دەسهەلاتێ بگۆهڕیت".
ل تاخەکێ سلێمانیێ شەڕە تەقێ دناڤبەرا پۆلیس و چەند کەسان دا رویدا و ژێدەرەکی ژی ژ پۆلیسێن سلێمانیێ بۆ ئێن ئاڕ تی ڕاگەهاند، د وی شەڕی دا چار کەس برینداربوون.
ژێدەرەکی ژ وەزارەتا داراییا هەرێمێ بۆ دیجیتال میدیایا ئێن ئاڕ تی ڕاگەهاند، ئەگەر بەغدا پارەیێ مووچەیێ مەها نیسانێ بهنێریت د هەیاما حەفتیەکێ دا مووچەی دێ دابەش کەن. دبێژیت ژی، "چاڤەرێ نە دەستپێکا حەفتیا داهاتی پارەیێ بەغدا بگەهیت".
د نها دا ل بازارێن دراڤێن هەرێمێ بهایێ ١٠٠ دۆلار ب ١٤٦ هزار و ٩٠٠ دیناران بازار پی دهێتەکرن.
سەقاناسیا هەرێمێ ڕاگەهاند، ئەڤرۆ و سوبەهی ئەسمان ساهی و پارچە عەور دبیت، دبێژیت ژی، "پلەیێن گەرمێ دێ بلندتر بن".
وەزارەتا کارەبا حکومەتا حکومەتا رێڤەبرنا کارێن هەرێمێ سەدەمێ کێم بوونا دەمێن دانا کارەبا نشتیمانی ب وەلاتیان ئەشکرا کر و دبێژیت، ژ سوبەهی ڤە کارەبا دێ باش بیت.
پشتی دەرچوونا بڕیارەکێ دەربارەی کێمکرنا دەمژمێرێن دانا کارەبا موەلیدەیێ پەرلەمانتارەکێ نەوەی نوێ ل گەرا پێنجێ ل پەرلەمانێ کوردستانێ ڕاگەهاند، یێن کو هوین نەشیان د 33 سالێن حکومرانیا خۆ دا بتنێ کارەبی دابین بکەن هوین نە ژهەژی رێڤەبرنا ڤی مللەتی نە و دڤێت بهێنە دادگەهکرن.
پەرلەمانتارەکێ پەرلەمانێ عێراقی راگەهاند، پێدڤی بوو هەرێمێ دەست ب جێبەجێ کرنا بڕیارێن دادگەها فیدرال کربا بۆ پرۆسەیا ب بەنکی کرنا مووچەی. دبێژیت ژی، "بەنکێن ڕەشید و ڕافیدەین بەرهەڤیێن خۆ نیشان دایە کۆ لقێن خۆ ل هەولێر و سلێمانیێ ڤەکەن لێ تا نها هەرێمێ ڕازیبوون نیشان نەدایە".
سەرۆک وەزیرێن عێراقێ راگەهاند، پارەیێ تەمام یێ جوتیاران دێ هێتە خەرجکرن ل دەمێ رادەست کرنا بەرهەمێن وان ب وەزارەتا بازرگانی.
ل دهۆکێ کەسەک ب تۆهمەتا تەقەکرنا هەڕەمەکی ل تاخێ "کەی ئاڕ ئۆ" هاتە دەستەسەرکرن و دەست بسەر چەکێ وی دا هاتە گرتن.
بۆ جارا شەشێ حکومەتا ئەلمانیا کۆمەکا کؤچبەران دیپۆرتی عێراقێ کرن کو هژمارا وان نێزیکی ٢٥ کۆچبەرانە و پڕانیا وان کوردن.
شارەزایەکێ سەقاناسیێ راگەهاند، ل رۆژا ٢٩ـی ڤێ مەهێ، پێلەکا بهێز یا باران بارینێ دێ دەڤەرێن هەرێما کوردستانێ ناڤەڕاستا باشوورێ عێراقێ ڤەگریت و رۆژا ٣ـی ئایارێ دێ ب داوی هێت.
پۆلیسێن کەرکوکێ ڕاگەهاند، ئەو چار دزیکەرێن کو دوو شەڤان بەری نها نێزیکی ١٥٠ ملیۆن د مالا وەلاتیەکێ ل تاخەکێ کەرکوکێ دزین، هاتنە دەستەسەرکرن.
حکومەتا رێڤەبرنا کاران راگەهاند، وەزارەتا دارایی و شاندا دانوستانکار هاتینە ئەرکدارکرن، ئەڤا د یاسایا بکاربەر یا فیدرالی هاتیە دەستنیشانکرن وەکو بەشێ گەنجینەیا فیدرالی ل داهاتێ نەپەترۆلی ب دەست هاتی ل هەرێمێ، بنێرن بۆ سەر هژمارا وەزارەتا داراییا عێراقێ.
ئاسایشا هەولێرێ راگەهاند، شەڤا دەربازبووی د رووبرووبوونەکێ داهێزێن ئاسایشی دگەل دوو بازرگانێن ماددێ هشبەر، ئێک ژ وان بازرگانان هاتە کوشتن. لێ کەسوکارێن کەسێ هاتیە کوشتن رەت دکەن کو بازرگانێ ماددێ هشبەر بیت.