PM:12:50:25/04/2024
692 جار خوێندراوەتەوە
+
-
ژێدەرەکی ژ وەزارەتا داراییا هەرێمێ بۆ دیجیتال میدیایا ئێن ئاڕ تی
ڕاگەهاند، ئەگەر بەغدا پارەیێ مووچەیێ مەها نیسانێ بهنێریت د هەیاما حەفتیەکێ دا
مووچەی دێ دابەش کەن. دبێژیت ژی، "چاڤەرێ نە دەستپێکا حەفتیا داهاتی پارەیێ
بەغدا بگەهیت".
ئەڤرۆ پێنجشەمبیێ، ژێدەرەکی ژ وەزارەتا داراییا هەرێمێ بۆ دیجیتال میدیایا ئێن
ئاڕ تی ڕاگەهاند، چاڤەرێ نە بەغدا پارەیێ مووچەیێ مەها نیسانێ بهنێریت و دەست ب
دابەشکرنا مووچەیێ فەرمانبەرێن هەرێمێ بکەن.
ئەویەک ژی بەرچاڤ کر، ئەگەر بەغدا پارەی بهنێریت د هەیاما حەفتیەکێ دا
مووچەیێ هەمی سازیێن هەرێمێ دابەش دکەن.
بەحسا وێ یەکێ ژی کر، چاڤەرێ نە حەفتیا داهاتی بەغدا مووچەیێ مەها نیسانێ
بهنێریت و دەست ب دابەشکرنێ بکەن. دبێژیت ژی، "بڕیارا حکومەتا رێڤەبرنا کاران
بۆ رادەستکرنا داهاتێ نە پەترۆلی ب بەغدا پێنگاڤەکا ئەرێنی یەو هاریکار دبیت ژ
پاشنەکەفتنا مووچەی".
دوهی چارشەمبیێ، حکومەتا رێڤەبرنا کارێن هەرێمێ ڕاگەهاندنەک بەلاڤکر و تێدا
ئاماژە ب وێ یەکێ کر، وان نەڤێت بابەتێ داهاتان ببیتە رێگر ل هەمبەر مەزاختنا شایستە
دارایێن هەرێما کوردستانێ، بەریا هەمیان ژی مووچەیێ مووچەخۆران.
ئاماژە ب وێ یەکێ ژی کر، دڤێ کڤانێ دا، وەزارەتا دارایی و شاندا
دانوستانکار هاتینە ئەرکدارکرن، ئەوا د
یاسایا ب کاربەرێن فیدرالی هاتیە دەستنیشانکرن وەکو بەشێ گەنجینەیا فیدرالی ل
داهاتێن نەپەترۆلی ب دەست ڤە هاتی ل هەرێمی، بنێرن بۆ سەر هژمارا وەزارەتا داراییا
عێراقێ.