سەگ بە یەکێک لە ئاژەڵە ماڵییەکان دادەنرێت کە مێژوویەکی دوور و درێژی هاوڕێیەتییان هەیە لەگەڵ مرۆڤدا، ڕۆژێکی جیهانیش دیاری کراوە بە مەبەستی یادکردنەوەیان و هاندانی خەڵکی بۆ بەخێوکردنیان، بەڵام هەندێک جۆری سەگەکان زۆر مەترسییدارن و پێویستیان بە شارەزایی زۆر هەیە لە مامەڵەکردندا.

هەواڵێکی ماڵپەریdnaindia باس لەڕۆژی جیهانی سەگەکان دەکات کە لە ٢٦ی مانگی ئابدا یادی دەکرێتەوە و باس لەوە دەکات کە سەگەکان هەرچەندە هەندێک جۆریان زۆر چێژبەخش و بەوەفان و بەخێوکردنیان ئاسانە بەڵام لە بەرامبەردا هەندێکیان زۆر مەترسیدارن و دەتوانن بکوژبن کە ئەمانەن بەپێی ڕیزبەندی:

یەکەم: پیت بۆڵی ئەمریکی

ئەم جۆرە سەگە بەهۆی ئەوەی زۆر مەترسییدارە لەزۆرێک لە وڵاتەکانی جیهاندا قەدەغەکراوە، چوار ڕەگەزی سەرەکی کەسایەتی ئەم جۆرە سەگە بریتییە لە بەهێزی، باوەڕبەخۆبوون و هەوڵدان بۆ مانەوە لە ژیاندا و بەڕێژەیەکەی زۆر زیرەکن، بەپێی داتایەک لە ئەمریکا لە ساڵی ٢٠٠٥ بۆ ٢٠١٧ حاڵەتەکانی پەلاماردان و مردنی خەڵک لەلایەن سەگەوە ٤٣٣ حاڵەت بووە و ٢٨٤ی لەلایەن سەگی پیتبۆڵەوە بووە.

دووەم: ڕۆت ویلەر

رۆت ویلەرەکان بەسەگێکی نەگونجاو دادەنرێن بۆ بەخێوکردن لەلایەن خێزانەکانەوە، چونکە ئەم جۆرە سەگە خراپترین بەرگەگرتنیان هەیە و پێویستە بەردەوام ڕاهێنانیان پێبکرێت و گوێیان پێبدرێت، بۆئەوەی بارودۆخی نەخوازراو لەکەسانی چواردەورت دووربخەیتەوە چونکە وزەیەکی زۆریان هەیە و پێویستە وزەکەیان ڕۆژانە بەتاڵ بکرێتەوە، رۆتوایلەرس لە ماوەی ١٣ ساڵدا بووەتە هۆی مردنی ٤٥ کەس بەپێی هەمان داتا.

سێیەم: جێرمان شیپێرد

یەکێکی دیکەیە لە سەگە مەترسیدارەکان و ئەوان بەشێکی گرنگی هێزەکانی پۆلیسن لە سەرانسەری جیهاندا، توێژینەوەکان دەریانخستووە کە جێرمان شیپێردی ئەڵمانی سێهەمین سەگی زیرەکن، بەڵام بوونتە هۆی مردنی ٢٠ کەس لە ماوەی ١٢ ساڵدا.

چوارەم: بوڵدۆگی ئەمریکی

سەگێکی وەرزشی هاوسەنگە کە خاوەنی هێزێکی زۆرە، خۆڕاگری و چالاکبوون و هەڵوێستێکی دۆستانە نیشان دەدات و ئەوان وەک سەگی کارکردن لە کێڵگەدا بەکارهێنراون، لە ١٢ ساڵدا ١٥ قوربانیان لێکەوتووەتەوە.

پێنجەم: بوڵماستیف

بۆلماستیفەکان سەگی زیرەک و وەرزشین ئەوان سروشتێکی شەڕانگێزیان هەیە، ئەگەر بەشێوەیەکی باش گرنگییان پێنەدرێت دەتوانن بکوژبن، بۆڵماستیفەکان بە گشتی وەک سەگی پاسەوان هەژماردەکرێن بەهۆی ڕەفتاری رەوشتییانەوە، ئەم سەگانە دەتوانن باوەڕپێکراو و گوێڕایەڵی ڕاهێنانی بەردەوام بن لە تەمەنی زووەوە، بەڵام سەرەڕای ئەوەش لە ١٢ ساڵدا ١٤ کەسیان کوشتووە.