سیر بەهۆی ئەوەی وەك شێردارکەرەوەیەك کاردەکات و قژ شێدار و بریقەدار
دەکاتەوە، یارمەتیدەرە بۆ زیادکردنی گەشەی قژ و پێدانی خواردن بە بیخی سەر سەر و
قژ.
لە بابەتێکدا ماڵپەڕی "الیوم السابع" ئاماژەی بەوەکردوە، بۆ ئەوەی زیاتر سوودی لێوەربگیرێت، دەتوانیت لەگەڵ هەندێك پێکهاتەی دیکەدا
تێکەڵی بکەیت وەك هەنگوین، کە دەوڵەمەندە بە دژەئۆکسیدەکان و ماددە خۆراکییە
بەسوودەکان کە تەندروستی قژ باشتر دەکات و بەهێزی دەکات.
بۆ ئەم مەبەستەش تێکەڵەکە بەم جۆرە ئامادە بکە:
هەشت دەنك سیر
کەوچکێکی گەورە هەنگوین
شێوازیی ئامادەکردنەکەی:
سیرەکە پاك بکە و بیهاڕە بەباشی و ئاوەکەی جیابکەرەوە، ئینجا لەگەڵ هەنگوین
تێکەڵی بکە، دواتر بیدە لە قژت و بۆماوەی ٢٠ خولەك پێوەی بهێڵە، دواتر قژت بە
شامپۆیەكی روون بشۆ.