لە کۆتایی وەرزی پایز و سەرەتای وەرزی زستان مرۆڤ زیاتر ئەگەری تووشبوونی بە پەتای وەرزی و هەڵامەت و ئەنفلۆنزا هەیە، بۆ زوو چاکبوونەوە و تێپەڕاندنی ئەو نەخۆشییانە کۆمەڵێک خواردن و خواردنەوە پێویستە زیاتر بخۆرێن.

دکتۆر کامه‌ران رسوڵ ژاژڵه‌یی پسپۆڕی زانستی خۆراک لە بابەتێکدا ئاماژەی بە گرنگترینیان کردووە کە ئەمانەن :

١ . ئاو: خواردنەوەی بڕی پێویست لە ئاوزۆر گرنگە بۆ بەهێزکردن و چالاک کردنی بەرگری جەستە ، ئاوی شلەتین یا گەرم باشترە بخورێتەوە .

٢ . چای ڕازیانە: ڕۆژی دوو بۆ سێ جار.

٣ . چای سەوز: بە گەرمی و بێ شەکر ، یا کەوچکێک هەنگوینی تێ بکرێت .

٤ . شۆربای گەرم: شۆربای مریشک یەکێکە لە خۆراکە گرنکەکان ، هەروەها شۆربای تری وەک پەڵپینە بەترش ، شۆربای قارچک ، شۆربای سەوزەواتی وەک شۆربای بڕۆکلی یا سپێناخ لەگەڵ قەڕنابیت و گێزەر.

٥ . زەنجەبیل: چای زەنجەبیل بە تەنها یا لەگەڵ لیمۆ یان هەنگوین .

٦ . چای گوڵەمێخەک: ڕۆژی دوو بۆ سێ جار.

٧ . ئاوی لێمۆ: گیراوەی ئاو و لێمۆ ڕۆژی دوو بۆ چوار جار بە تەنها یا لەگەڵ نەعنا یا هەنگوین یا زەنجەبیل .

٨ . چای گوڵەبەیبوون یان گیراوەی ڕەشکە و هەنگوین .

٩ . شیری گەرم .

باشترین جۆری خواردنەکان :

- ماست.

- میوە مزرەمەنیەکان وەک پڕتەقاڵ و لالەنگی و نارنج و لیمۆ .

- بلۆبێری و هەنار .

- ئەو خۆراکانەی دەوڵەمەندن بە ڤیتامین ( A) وەک گێزەر، بیبەری زەرد، بەهێ،کەلەرم، پەتاتەی شیرین .

- سیر و پیاز.

- ماسی بە تایبەت ماسی سەلموون .