خێزانێک دوای ئەوەی هەستان لە خەو شۆكبوون بە بینینی تیمساحێکی دوو مەتر و نیوی لە ژێر سیسەمەکەیاندا، کە بەهۆیەوە ناچاربوون خۆیان بشارنەوە تا گروپی فریاکەوتن گەشتنە ماڵەکەیان و دەریانکرد.

ماڵپەڕی "میرەر" لە بابەتێکدا ئاماژەی بەوەکردوە، هاتنام سینگ لە گوندی جایتیا لە هیندستان کە خاوەنی ماڵەکە بووە وتوویەتی، ئەوان نازانن چۆن ئەو تیمساحە چووەتە ماڵەکەیان، بەڵام بەهۆی دەنگی بەرزیی مەڕ و ماڵاتەکەیانەوە زانیویانە کە شتێك هەیە و دەیانترسێنێت، بەهۆی ئەوەوە تیمساحەکەیان لە ماڵەکەیاندا دۆزیوەتەوە.

دوای ئەوەی تیمساحەکەیان بینیوە، ئەو خێزانە دەرگاکەیان داخستووە و چوون لە شوێنی مانەوەی مەڕ و ماڵاتەکان خۆیان حەشارداوە.

گروپی فریاکەوتنیش نزیکی کاتژمێرێکیان پێویست بووە بۆئەوەی تیمساحەکە دەستبەسەر بکەن و لە ژووری نوستنی ماڵەکەوە دەریبهێنن.