کێک یەکێکە لە ئیشە هەویرییەکانە و بە چەندین شێوازی
جیاواز دروست دەکرێت، لێرە ئامادەکردنی کێک بە خورما دەخەینە ڕوو:
پێکهاتەکانی:
نیو کوپ شەکر
٥٠٠ گرام لە خورمای بێ ناوک
دوو هێلکە
دوو کوپ ئارد
نیو کوپ زەیت
چوار کەوچکی گەورە شیری وشک
کیسێک پیکین پاودەر
نیو کەوچکی بچوک دارچینی
ئامادەکردنەکەی:
سەرەتا لە دەفرێکدا زەیت و هێلکە و شەکر و ڤانێلا
و دارچینییەکە تێکەڵبکە، دواتر شیر و پیکین پاودەرەکەی بکە بەسەردا و بۆ ماوەی خولەکێک
تێکیان بدە، ئاردەکە بکەرە ناو گیراوەکە و تێکەڵیبکە و بەجوانی تێکی بدە تا هەویرێکی
مامناوەندی لێ دەردەچێت.
خورماکە لە ناو تاوەیەکدا کە کەمێک ڕۆنی تێدا بێت
گەرم بکە بۆئەوەی نەرمبێت و شێوەی هەویرێک وەربگرێت.
سینی فڕنەکە بە ڕۆن چەور بکە و بەشێکی هەویرەکە
لەناو سینییەکە دابنێ، دواتر خورماکەی بکە بەسەردا، بەشەکەی تری هەویرەکەی بکە بەسەردا
و بە کەمێک ڕۆن چەوری بکە و بیخەرە فڕنەکەوە تا سوردەبێتەوە، لەگەڵ چا یان قاوە بە
گەرمی پێشکەشی بکە.
ئ.ل