دۆشاوی خورما یەکێکە لەو جۆرە خواردنانەی کە لەگەڵ هاتنی زستاندا زیاتر دەخورێت بەتایبەت لە بەیانیانیاندا و لەگەڵ (راشی) دا، کە جگە لە تامە شیرین و خۆشەکەی سوودێکی زۆریشی هەیە.

دکتۆر کامه‌ران رسوڵ ژاژڵه‌ییپسپۆڕی زانستی خۆراک لە بابەتێکدا ئاماژەی بە گرنگترین سوودەکانی خواردنی دۆشاوی خورما کردووە کە دیارترینیان ئەمانەن:

بەها خۆراکیەکانی : یەک کەوچکێکی چێشت دۆشاوی خورما ئەم پێکهاتانەی تێدایە :

٦٠ کالۆری

یەک گرام پڕۆتین

١٤ گرام کاربۆهێدرات

١٠ گرام چەوری

١٠ گرام شەکر

کەمتر لە یەك گرام ماددە ڕیشاڵییەکان

هەروەها سەرچاوەیەکی باشە بۆ: مەگنسێوم ، کالسیۆم، ئاسن، مەنگەنیز، ڤیتامینB6

گرنگترین سوودە تەندروستیەکانی:

١. پاراستن و یارمەتی چارەسەرکردنی کەمخوێنی و کەمی ماددەی ئاسن.

٢. کەمکردنەوەی ئەگەری نەرم بوونەوەی ئێسک بە هۆی بوونی بڕێکی باش لە مەگنیسیۆم و کالسیۆم .

٣ . بەهێزکردنی تەندروستی دڵ و یارمەتی دابەزینی فشاری خوێن بە هۆی بوونی بڕێکی باش لە پۆتاسیۆم .

٤ . بە هۆی بوونی ماددە دژە ئۆکسانەکان سوودی هەیە بۆ یارمەتی خۆپاراستن لە چەند جۆرێک شێرپەنجە .

٥ . بەهێزکردنی تەندروستی قژ .

٦ . وەک جێگرەوەی شەکر بەکاردێت لە دروستکردنی شیرینی چونکە هێندەی شەکری سپی ڕێژەی شەکرەی خوێن بەرز ناکاتەوە.

٧ . بۆ ئەو کەسانە بەسوودە کە کێشەی لاوازی و کەمی کێشیان هەیە.

- زیانەکانی و کاریگەرییە لاوەکیەکانی:

١ . ئەوانەی کۆنیشانەی گزژبوونی قۆڵۆنیان هەیە باشترە نەیخۆن .

٢ . ئەگەر بڕێکی زۆری لێ بخورێت ڕەنگە ببێتە هۆی سکچوون .