ئەکزیما گرفتێکی پێستە و لەگەڵ هاتنی وەرزی زستان نیشانە و کاریگەرییەکانی زیاد دەکات، بە جۆرێک خوران و سوربوونەوە و رووشانی پێست زیاتر دەبێت، کە دەکرێت بە کۆمەڵێک رێگە ئەم گرفتە چارەسەر بکرێت.

دەستەی خزمەتگوزاری تەندروستی نیشتمانی ئێن ئێچ ئێس رایگەیاندووە، ئەکزیما لە قۆناغێک لە قۆناغەکانی تەمەندا روودەدات و منداڵان زیاتر زیاتر توشی ئەم گرفتەی پێست دەبنەوە، لە وەرزی زستانیشدا نیشانەکانی ئەم گرفتە توندتر دەبێت، ئەو دەستەیە کۆمەڵێک رێگەی خستووەتە ڕوو بۆ کەمکردنەوەی نیشانەکانی ئەکزیما:

یەکەم: بەهێواشی ئەو بەشەی پێست بە سەری پەنجە بخورێنە نەک بە توندی.

دووەم: پۆشاکێک بپۆشە قوماشەکەی سوک بێت و زیان بەپێست نەگەیەنێت.

سێیەم: دەتوانیت لەفافێکی تەڕ لەو شوێنە بپێچە کە ئەکزیمایەتی.

چوارەم: دوربکەوەرەوە لە گەرمای زۆر و ئەوکەسانەی ئەکزیمایانە.

پێنجەم: دوربکەونەوە لەو خواردنانەی هەستیاریت پێی هەیە و ئەکزیماکەت خراپتر دەکات.

شەشەم: دوربکەونەوە لە کرێمی شێدارکەرەوە و مەڵهەم کە تایبەت نەبن بە ئەکزیما.

حەوتەم: دوربکەونەوە لە خواردنی دەرمانی دژە هیستامین.

هەشتەم: دوربکەونەوە لە خواردنی دەرمانی کۆرتیکۆستیرۆیدات.

نۆیەم: دوربکەونەوە لە بەکارهێنانی لەزگەی برین بۆ شوێنی ئەکزیماکە.

دەیەم: دوربکەونەوە لە دەرمانە گیاییەکان.

ئ.ل