پیشانگایەکی شێوەکاری
تایبەت بە کارە ھونەرییەکانی ئیسماعیل خەیات ھونەرمەندی گەورەی کورد لە مۆزەخانەی
شاری شاریقەی ئیمارات کرایەوە.
مۆزەخانەی شاری شاریقە
یەکێکە لە مۆزەخانە جیھانییەکان و ساڵانە بۆ ماوەی مانگێک بۆ دوو مانگ شێوەکارێکی
جیھانی ھەڵدەبژێرێت و پێشانگای بۆ دەکاتەوە، بۆ ئەمساڵیش وەکو یەکەم ھونەرمەندی
کورد ئیسماعیل خەیات ھەڵبژێردرا.
پێشانگاکە بە ئامادەبوونی
نوێنەری حاكمی شاریقه "شیخ سالم بن عبدالرحمن القاسمی" و کونسوڵی عیراق ئامەد عەبدولحەمید
و مەنال عەتایە بەڕێوەبەری گشتی هەموو مۆزەخانەكانی شاریقه کرایەوە.
پیشانگاکە ١٥٠ بەرھەمی
لەخۆگرتووە و لە ١٤ ھۆڵی مۆزەخانەکە نمایشکراون و جگە لەمەش مۆزەخانەکە کتێبێکی
٢٠٠ لاپەڕەییان لەبارەی ژیان و بەرھەمی خەیات چاپکردووە.
ئیسماعیل خەیات بەھۆی
باری تەندروستییەوە نەیتوانی ئامادەبێت، لەبری ئەو ھونەرمەند گەزیزە عومەری ھاوسەری
و ھەیاس خەیاتی کوڕی ئامادەبوون.
گەزیزە عومەر خانمە هونەرمەند لەوبارەیەوە رایگەیاند: به ناوی خێزانی
هونەرمەند ئیسماعیل خەیاتەوه سوپاس و پێزانینی تەواومان هەیە بۆ بەڕێوبەرایەتی مۆزەخانەی
شاریقە بۆ ئەو هەموو ڕێز و ستایش و گرنگیی پێدانەی بەخشیانە پێگەی هونەری كوردی له
ڕێگەی داهێنانەكانی هونەرمەند ئیسماعیل خەیاتەوە.
