کۆمەڵێك چارەسەری
سروشتی هەن کە یارمەتیدەرن بۆ چارەسەرکردن و رزگاربوون لە تامێسکی لێو، جگە لەوەی یارمەتیدەدات
زوو چارەسەر ببێت، کاریگەری نەرێنی لەسەر ئەو ناوچەیەش نابێت.
ماڵپەڕی لوبنان
٢٤ لە بابەتێکدا ئاماژەی بە چەند رێگەیەک کردووە بۆ چارەسەرکردنی تامێسك لەوانەش:
یەکەم: هەر لە سەرەتای
دەرکەوتنیدا دەتوانیت بڕێك هەنگوینی سروشتی لێبدەیت لە رۆژدا یان شەوانە بەر لە خەوتن،
بەم جۆرە دەبینیت بەزووترین کات نامێنێت.
دووەم: باشتروایە
پارچەیەك سەهۆڵ بۆ ماوەی چەند چرکەیەك بەو ناوچەیەدا بهێنیت کە تامێسکەکەی پێوەیە،
ئەمە کاریگەریی ئەو ڤایرۆسە کەمدەکاتەوە کە دەبێتە هۆی دروستبوونی تامێسکەکە.
سێیەم: جگە لەمانەش
دەتوانیت زەیتی داری چا بەکاربهێنیت چونکە تایبەتمەندی پاکژکەرەوەی هەیە و یارمەتی
دەدات زووتر چاكببێتەوە، بۆ ئەم مەبەستەش دەتوانیت چەند دڵۆپێك زەیت بخەیتە سەر
پارچەیەك لۆکە و هەموو دوو کاتژمێر جارێك ئەو ناوچەیەی پێ بسڕە.
ئ.ل