ئەوانەی قژیان لولە پێویستییان بە رۆتینێکی باش هەیە بۆئەوەی بتوانن خزمەتی
قژیان بکەن و رێگە لە ئاڵۆسکان و وشكبوون و تێكچوونی قژیان بگرن.
بۆ ئەم مەبەستەش ماڵپەڕی "سیدتي" لە بابەتێکدا ئاماژەی بە چەند سوودێکی
زەیتی گوێزی هیندی کردووە کە یارمەتیدەرن بۆ کەمکردنەوەی وشکی و ئاڵۆسکاوی قژ و
بریقەدارکردن و نەرمکردنەوەی قژە لولەکە، بەم جۆرە:
١. یارمەتیدەرە بۆ کەمکردنەوە و نەهێشتنی ئاڵۆسکاوی قژ.
٢. قژ شێدار دەکاتەوە و زبرییەکەی کەمدەکاتەوە و بریقەی دەداتێ.
٣. بە قوڵت شێداری دەکاتەوە ئەگەر بۆماوەی ٣٠ بۆ ٤٥ خولەك پێوەی بێت.
٤. قژ بەهێز دەکات و رێگە لە شکان
و وەرینی دەگرێت.
٥. رێگە لە وشکبوون و مخوڕکە و زیانگەیشتن بە قژ دەگرێت.