نیەت باشی و گومان کاریگەرییان دەبێت لەسەر شێوازی مامەڵەمان لەگەڵ کەسانی دیکە، یەوانەی کە نییەتیان پاکە چێژی زیاتر لە ژیان وەردەگرن و هەستبە ئارامییە دەروونی زیاتر دەکەن، چونکە بیرناکەنەوە لەو خراپییانەی کە لە ناخی کەسانی دیکەدا هەیە، بەڵام ئەوانەی نیەتیان خراپە ژیانیان لە دڵەڕاوکێ و فشاری دەروونیدا بەسەردەبەن.

بۆ ئەم مەبەستە ماڵپەڕی " اليوم السابع" لە بابەتێکدا ئاماژەی بە چەند هەنگاوێك کردووە بۆ کەمکردنەوەی نیەت خراپی و زیادکردنی هەستی ئەرێنی بەرامبەر بە خەڵك، بەم جۆرە:

- دووربکەوەرەوە لە بیرۆکەی نەرێنی.

- تایبەتمەندییە ئەرێنییەکانت زیاتر بکە وەك نەرم و نیانی و راستگۆیی و بەسۆزی و دڵگەورەیی.

- وشەی "من" کەمبکەرەوە و بیر لەو شتانە مەکەرەوە کەتەنها پەیوەندییان بە خۆتەوە هەیە، هەوڵبدە بیر لە کەسانی دیکە بکەیتەوە و رێگە بدۆزیتەوە بۆ یارمەتیدانیان.

- بە ئەرێنی بیربکەرەوە و دڵخۆشبە بەو نیعمەتانەی خودا پێی بەخشیویت.

- لێبووردەیی لە ناختدا زیاتر بکە، چونکە یارمەتیت دەدات کەمتر رێگە بدەیت بە کۆبوونەوەی شتە خراپەکان لە ناختدا.

- ئەگەر نەتتوانی خۆت چارەسەری خۆت بکەیت ئاساییە سەردانی پزیشکی دەروونی بکەیت.