رەوەند جەواد وەك تاکە
فۆتۆگرافەری کورد بەشداری پێشانگایەکی هاوبەشی فۆتۆگرافی لە شاری ئەڵمانیا کرد.
پێشانگاکە رۆژی ١٣ی ئابی
٢٠٢١ لە وڵاتی ئەڵمانیا لەژێر ناوی "Paradise" کراوەتەوە کە واتای بەهەشت دەگەیەنێت، رەوەند
جەواد تاکە فۆتۆگرافەری کورد بووە کە بەشداری ئەو پێشانگایەی کردووە.
لەو بارەیەوە وتوویەتی،
"بەرهەمەکانی ئەو پێشانگاییە کاری دەست و تابلۆ و چەند کارێکی پڕفۆرمانس بوون
کە بە ڤیدیو نیشانی بینەران دەدران، زۆرێک لە ئامادەبووانی شاری کۆڵن و شارەکانی تری
ئەڵمانیا ئامادەی پێشانگاکە بوون".
ئاماژەی بەوەشداوە، ئەم
پێشانگاییە لە لایەن ستۆدیی Stodio 68 elf و دەزگای wortefremd و بەشی کەلتووری شارەوانی کۆڵن ئەنجامدراوە،
تاوەکو ٢٨ی ئابی ٢٠٢١ بەردەوام دەبێت .
