کرواسۆن جۆرێکی شیرینی و ئیشی هەویرییە و بە شێوەی
جیاواز ئامادە دەکرێت، بەشێک لە کابانەکانی ماڵ دەتوانن بۆ میوانی و بۆنە و ئاهەنگ
و سوکە ژەم بەم هەنگاوانە ئامادەی بکەن.
پێداویستییەکانی:
٢٨٠ گرام کەرەی سارد یان زەیت
هێلکەیەک
نۆتێلا بەپێی ئارەزوو
کەرەستەکانی هەویرەکە:
٥٠٠ گرام ئارد
٤٠ گرام کەرەی تواوە
١٤٠ ملیگرام شیری پڕ چەوری
٥٥ گرام شەکر
١١ گرام خەمیرە
١٤٠ ملیگرام ئاو
١٢ گرام خوێ
ئامادەکردنەکەی:
سەرجەم پێکهاتەکانی هەویرەکە بکەرە خەڵاتەوە و تاکو
بە جوانیت تێکەڵ بێت، دواتر بە دەست بیشێلە بۆ ئەوەی هەیرەکە خۆی بگرێت.
کەرە ساردەکە یان زەیتەکە لە بری ئارد بدە لە
بنی هەویرەکە و بە تیرۆک پانی بکەرەوە، تەواوی کەرەکە تێکەڵ بە هەویرەکە بوو
بیخەرە نایلۆنێکەوە و لە دەفرێکی قوڵدا بۆ دوو کاتژمێر دایبنێ، جارێکی تر هەمان
کار دووبارە بکەرەوە و لە ساردکەرەوە هەڵیبگرە و بۆ رۆژی دواتر بەکاریبهێنە.
هەویرەکە لە ساردکەرەوە دەربهێنە و چەند جارێکی
دیکە بە تیرۆک پانی بکەرەوە و بیدەرەوە بەسەر یەکتریدا و دووبارە بە شێوەی چوار
گۆشە پانیبکەرەوە و بە سێ بەشی یەکسان بیبڕە، هەر بەشەی پانبکەرەوە و بیکە بە
سێگۆشەیی و نۆتێلا بکەرە ناوەکەیەوە و لوولی بکە.
سینی فڕنەکە کاغەزی خواردنی تیا رابخە و
کواسۆنەکانی تێدا دابنێ و بە فڵجە رووی دەرەوەی هێلکەی لێبدە، ماوەی ٢٠ بۆ ٢٥
خولەک لەناو فڕندا بێت کە پلەی گەرمییەکەی ٢٠٠ بێت، لەدوای برژاندنی دەریبهێنە و
بە نۆتێلا بیرازێنەوە و لەگەڵ چا یان قاوە پێشکەشی بکە.
ئ.ل