خدر بێگەڵاسی بەندبێژ
و گۆرانیبێژ لە نوێترین دەرکەوتنیدا ئاشکرایکردووە کە نازناوی خۆی گۆڕیوە لە بێگەڵاسییەوە
بۆ خدر چاومەست هەڵۆی کوردستان.
لە ڤیدیۆکەدا خدر بێگەڵاسی
دەڵێت، "چیتر بە خدر بێگەڵاسی ناوم مەهێنن و بانگم مەکەن، چونکە من فەرمانم
دەرکردوە کە ناوی خدر بێگەڵاسی دەگۆڕێت بۆ هونەرمەند خدر چاومەست هەڵۆی کوردستان".
هەروەها داوا لە هەموو
خەڵکی کوردستان و هەموو ئەو کەسانە دەکات کە ئەکاونت و لاپەڕەیان لە سۆشیاڵ میدیا
بەناوی ئەوەوە داناوە چیتر نازناوی بێگەڵاسی بەکارنەهێنن و هەموویان بیکەن بە خدر
چاومەستی هەڵۆی کوردستان.
خدر بێگەڵاسی
بەندبێژێکی سنوری پشدەرە و خەڵکی گوندی بێگڵاسە کە سەر بە شارەدێی هەڵشۆیە، لە
چەند ساڵی رابردوودا بەهۆی بەندبێژییەوە ناسراوە و ڤیدیۆی دانیشتنەکانی
بەڕاددەیەکی زۆر بەتۆڕە کۆمەڵایەتییەکاندا بڵاوبووەتەوە و بینەرێکی زۆری هەیە.