ئەم کێکە بەوە بەناوبانگە کە زۆر ناسکە چونکە ھیچ چەوریەکی تێدا نییە و لەسپێنەی ھێلکە دروست کراوە.

ماوەی ئامادەکردن: ٣٠ خولەک

ماوەی برژاندن: ٤٠ خولەک

پێوانەکان:

• ٦ سپێنەی ھێلکە

• سێ چارەگ کوپی شەکری سپی

• نیو کوپ ئاردی تایبەت بەکێک

• ١٨ کوپی کاکاو و بودرەی خاوی بێ شەکر

• ھەندێک خوێ

• نیو کەوچک خەل

• فانیلا

• کەوچکێکی بچووکی پیکنپاودەر

چۆنیەنی ئامادەکردنی:

• سەرەتا ھەندێک فرنەکە گەرم دەکەین پێش ئەوەی دەست بکەین بە ئامادەکردنی کێکەکە، و دەبێت سپێنەی ھێلکەکەش لەناو سارد کەرەوەکە دەربێنین پێش دوو کاتژمێر لەدەست کردن بەکارکردن.

• ھێلکەکە لێک جیا دەکەینەوە و زەردێنەکەی ھەڵدەگرین و سپێنەکەی بەکاردێنین، سپێنەکە جوان لێک دەدەین تاوەک وەک ماستاوی لێ دێت دواتر خەل و ڤانێلاکەی بۆزیاد دەکەین، دیسان تێکی دەدەین تا ئەو کاتەی ھەست دەکەین سپێنەکە یەکی گرتەوە.

• دواتر شەکرەکەی بۆ زیاد دەکەین و تێکی دەدەین تا ئەو کاتەی شەکرەکە بەتەواوی دەتاوێتەوە.

• دواتر ئاردەکە و کاکاوەکە و پیکنپاودەرەکە و ھەندێک شەکری بۆ زیاد دەکەین، دواتر ھێدی ھێدی تێکەلەکە دەخەینە سەر سپێنەی ھێلکەکە لەگەڵ تێکەڵکردنی لەگەڵ یەکتری بە کەوچکێکی دار یا پلاستیک.

• دواتر سینی برژاندنەکە بە زبدە چەور دەکەین و ھەندێک ئاردی پێدا دەکەین، دواتر تێکەڵەکەی لەسەر روو دەکەین و دەیخەینە ناو فرنەکە و لەسەر پلەی ١٨٠ سەدی دادەنێین دواتر بۆ پلەکە دێنینە سەر ١٦٠ سەدی تا بەتەواوی پێدەگات.

• دوای ئەوەی کێکەکەت دەرھێنان سینیەکە لەسەر پارچە قوماشێکی خاوێن قلپ بکەوە و لێگەرێ تا سارد دەبێتەوە.

• دەتوانین کێکەکە بە قاوە و کرێم برازێنیتەوە و یاخود بە سادەیی بیخۆیت.

• ئەو زەردێنە ھێلکەی ماوەتەوە دەتوانی لەدروستکردنی کێکی سوور بەکاری بێنی.

ر.ئ