کولیچە یەکێکە لە شیرینییە بەتام و چێژەکان کە لە بۆنەکاندا و لە جەژندا بەڕاددەیەکی زۆر دەخورێت و تام و چێژێکی خۆشی هەیە.

لاپەڕەی "خواردن دروستکردن" بەم جۆرە ئاماژەی بە شێوازی دروستکردنەکەی کردوە:

پێداویستیەکان:

چوار په‌رداخ ئارد

یه‌ک که‌وچکی چا خوێ

یه‌ک که‌وچکی چێشت شه‌کر

یه‌ک که‌وچکی چێشت خومره‌

یه‌ک که‌وچکی چێشت پیکی پاوده‌ر

٢٥٠ گرام که‌رەی زبده‌

یەک په‌رداخ و کەمێک شیر

پێداویستیەکان: بۆ ناواخنەکەی:

یه‌ک پاکه‌ت خورما

یه‌ک که‌وچک هێل

یه‌ک که‌وچک دارچینی هاڕدراو

نیو پیاڵه‌ گوڵاو

نیو پیاڵه‌ ئاو

دوو که‌وچک که‌رەی زبده‌

چۆنێتی ئامادەکردنی:

سه‌ره‌تا هه‌موو پێداویستیەکانی هه‌ویره‌که‌ جگه‌ له‌ شیره‌که‌، بەبا‌شی تێکەڵ بکە، دواتر شیره‌که‌ی تێبکه‌ و بۆ ماوه‌یه‌ک سه‌ری داپۆشه‌.

پاشان سەرجەم پێداویستیەکانی ناواخنەکەی تێکه‌ڵ بکه‌ و بیخه‌ سه‌ر ئاگرێکی کەم، دواتر کولیچه‌که‌ به‌ شێوه‌یه‌کی ئاسایی بپێچه‌ره‌وه‌ له‌گه‌ڵ خورماکه‌دا.

زه‌ردێنه‌ی هێلکه‌ بشڵەقێنە و به‌ فڵچه‌یه‌ک بیده‌ له‌ سه‌ری کولیچه‌کان، ئینجا بیانخه‌ ناو فڕنه‌وه‌، بۆ ماوەی ١٠ خوله‌ک بۆ بەشی سەرەکەی و دواتر ١٠ خوله‌ک بۆ بەشی ژێرەوە.