برنجی سوور شێوازی
ئامادەکردنی جیاوازییەکی نییە لەگەڵ برنجی سپیدا، بەشێکی زۆر لە خەڵکی حەز بە
خواردنی دەکەن و شێوازی ئامادەکردنی ئاسانە، دەتوانرێت بە سادەی یان لەگەڵ گۆشتی
سوور یاخود گۆشتی مریشکدا ئامادە بکرێت.
لێرەدا چۆنییەتیە
ئامادەکردنی برنجی سوور بە مریشک خراوەتەڕوو:
پێداویستیه‌كانی:
یەک مریشک سورەکراو
دوو پەرداخ برنج
سێ پەرداخ ئاوی گەرم
دوو کەوچکی چێشت دۆشاوی
تەماتە
یەک سەلک پیازی جنراو
ڕۆن
خوێ بەپێی پێویست
زیرە و هێل بەپێی ئارەزوو
چۆنییەتی ئامادەکردنی:
سەرەتا برنجەکە دەشۆرێتەوە و بۆماوەی ٣٠ خولەک لە ناو ئاودا دەخوسێنرێت.
ڕۆنەکە لەناو مەنجەڵێکدا
لەگە پیازە جنراوەکە دەقرچێنرێت، دواتر ئاوە گەرمەکە لەگەڵ مریشکە سورکراوەکە و دۆشاوی
تەماتە دەخرێنە ناو مەنجەڵەکەوە و بۆماوەی پێنج خولەک پێکەوە دەکوڵێنرێن.
دواتر برنجەکەی تێدەکرێت،
تا ئابرنجەکە ئاوەکەی هەڵدەچنێت گڕی ئاگرەکە زیاد بێت، دوای ئاو هەڵچنینی برنجەکە
ئاگرەکە کز دەکرێت و بۆ ماوەی ٣٠ خولەک لەسەر ئاگر دەهێڵرێتەوە، لەگەڵ دۆ و سەوزە
دەشتوانرێت شلەی فاسۆلیای بۆ ئامادەبکرێت، پێشکەش دەکرێت