کاتێك دڵ تووشی کێشەی تەندروستی دەبێت کۆمەڵێك نیشانە لە جەستەدا دەردەکەون کە دەبێت بە هەند وەربگیرێن و پشتگوێ نەخرێن.

‎ماڵپەڕی العربیة لە بابەتێکدا ئاماژەی بە شەش لە گرنگترینی ئەو نیشانانە کردووە کە دەریدەخەن تەندروستی دڵ باش نییە و تووشی کێشەی تەندروستی بووە و دەبێت بەزووترین کات چارەسەر بکرێت، بەم جۆرە:

‎١. هەناسەتەنگی و هەستکردن بە لاوازبوونی توانای هەناسەدان.

‎٢. گەورەبوونی قەبارەی قاچەکان و ئاوسانیان، بەهۆی ئەوەی جەستە ناتوانێت خۆی ڕزگار بکات لە ماددە شلەکان بەمەش لە قاچەکاندا کۆدەبنەوە.

‎٣. تووشبوون بە کۆکە لەو کاتەی پاڵدەکەویت و لە شەواندا، دەکرێت ئاماژە بێت بۆ بوونی کێشە لە سییەکاندا بەهۆی ئەوەی کێشە لە دڵدا دروستبووە.

‎٤. هەستکردن بە ماندوێتی دەکرێت بەهۆی ئەوە بێت کە خوێن بەپێی پێویست ناڕوات بۆ ئەندامەکانی جەستە کە ئەمەش ئاماژەیەکە بۆ بوونی کێشەیەك لە تەندروستی دڵدا.

‎٥. نەمانی ئارەزووی خواردن دەکرێت بەهۆی بوونی کێشەیەك بێت لە تەندروستی دڵدا، چونکە وادەکات خوێن بەپێی پێویست نەچێت بۆ کۆئەندامی هەرس و ئارەزووی خواردن کەمببێتەوە و هەست بە دڵتێکهەڵاتن بکرێت.

‎٦. زیادبوونی لێدانی دڵ و توندبوونی ترپەکانی بەجۆرێك هەستیان پێبکرێت ئاماژەیەکە بۆ ئەوەی دڵ بەرگەی فشاری زۆر ناگرێت و توانای پاڵنانی خوێنی نییە، بۆیە باشتروایە پشتگوێ نەخرێت و سەردانی پزیشك بکرێت.